تحدث الفنان الاردني إياد نصار عن كواليس تصوير الاعمال موضحًا انه لا يحب ان يشاهد نفسه اثناء التصوير بسبب القلق، كما أشار ان كل فنان لديه عقد بداخله.
إياد نصار: “مبحبش أشوف نفسي غير مرة واحدة عشان بكون قلقان”
وصرح إياد خلال لقائه مع الإعلامية لميس الحديدي، ببرنامج كلمة اخيرة الذي يعرض عبر قناة اون الفضائية من يوم السبت إلى الثلاثاء في تمام الساعة 9:30 مساءً، قائلا: “لا مش عايز افك العقد اللي جوايا عشان ديه حاجة طبيعية جوا الممثل وبيقولوا بطريقة الكلاشية ان الفنان مش سوي واحنا بنحاول نقدم الازمات النفسيه من خلال التمثيل وكخبرة معرفيه واحنا مش مثليين ولا عايزين نكون مثليين”.
وأوضح سبب رفضه ان يرى المشاهد بعد التصوير، قائلا: “القلق هو الشعور الوحيد بيحس بيه الانسان يعني لو بعمل مشهد بحب حد ببقى قلقان جدا جدا قلقان من المشهد هيطلع ازاي الناس هتشوفه ازاي، وطول مانا في اللوكيشن مش ببص على المونتر لانه بيفصلني وبرضه المايك مش بحب احطه في جمبي كده بحس اني في انتر فيو بحطه في رجلي وديه من الحاجات اللي ممكن تفصلني”.
وتابع قائلاً: “مبحبش اشوف نفسي اثناء التصوير بشوف شغلي مرة واحده بس ولو شوفت مثلا حاجة هتتعرض في رمضان ولسه بصور ولاقيت ديفوهات في شخصيتي بتأثر جدا وممكن مكملش”.