حلت الفنانة والإعلامية إسعاد يونس ضيفة ببرنامج “سهرانين” الذي يقدمه الفنان أمير كرارة، ويعرض عبر قناة اون تي في الفضائية يومي الاربعاء والخميس في تمام الساعة 9 مساءً.
إسعاد يونس تكشف سر فتة الكوارع
وصرحت قائلة: “ده انا بعمل فتة كوارع يانهار ابيض عليها اللي علمهالي زمان الاستاذ حسين الامام حبيبي الله يرحمه بس احلى فتة في الدنيا “.
وأوضحت طريقة عمل فتة الكوارع بالفحم قائلة: “بولع على السمن واتش فيها فحمة واسيبها شوية، بعدها بشيل الفحمة واحمر العيش وبعدها اسقيه الشربة وبتبقى حوار حسين ميعرفش موضوع الفحمة ده “.
وكشفت عن الاكلات التي تحبها قائلة: “وبحب الملوخية والحمام المحشي والرقاق والكشك وكل الاكل، وكنت بعمل دايت بسبب الاكل وفي البرنامج كنت بحط المخدة على رجلي كدة عشان اداري الكرش”.
إسعاد يونس تفاجئ أمير كرارة على الهواء بهدية صادمة
وفاجأت إسعاد يونس الفنان أمير كرارة، حوارها معه ببرنامج سهرانين، وقالت له: “انا دفعت في الهدية ديه دم قلبي وغالية جدا، متوريهاش لحد لانها غالية جدا”، وكانت الهدية صادمة وتبين انها طبخت له بطاطا لافته ان شعارها في الحياة هو الأكل.
ليرد عليها أمير كرارة قائلاً: “بجد تسلم ايدك ديه اكتر حاجة بحبها في الدنيا واغلى هدية فعلاً جاتلي”.
كما روت تفاصيل بدايتها في مجال الفن والتمثيل ووجهت الشكر للفنان الراحل سمير غانم، قائلة: “البداية كانت مه استاذ سمير غانم الله يرحمه كنا بنروح كتيبة الفقدانين هما كانوا مسمينا كدة والاذاعة تنزلنا في اي وقت نعمل اي حاجة وعرفت كل الناس وسمير كان قريب مني جدا وهو كان صاحب الفضل ان ادخل مجال الفن”.
إسعاد يونس تكشف أسرار عن حياتها
وتابعت قائلة: “كان بياخدنا معاه البروفات وحضرنا بروفات مدرسة المشاغبين وسمير وجورج كانوا بياخدوني ديما معاهم عشان نعمل علاقات واتعرفت على ناس كتير اوي بفضلهم” مازحة أمير كرارة: “انا بفضح الدنيا وبقول حاجات هنودينا في داهية بس مش مهم”.
وأشارت قائلة: “ومن ساعت ما ابويا مات هو مات وانا عندي 14 وانا واخواتي ماما بقيت ولية امرنا ومحدش كان بيقدر يتكلم معانا، ومحدش قدر يمنعني عن الفن”.