اشتكت احدى عضوات الزمالك من نعومة السيراميك في مقر النادي بميت عقبة، مؤكدة ان بسبب ذلك اضطرت للإجهاض.
وقالت عضوة نادي الزمالك وفقا لـ بوست لها عبر صفحات السوشيال ميديا المهتمة بنادي الزمالك: انا اجهضت بسبب النادي.. انا عايزاكو كلكو تاخدو بالكو عشان ميحصلكوش اللي حصلي ف اسوء يوم في حياتي بسبب اهمال من اداره النادي او معرفش بقي مين مسؤول.. انا بعتلكو من اسبوع فاات اني وقعت اتزحلقت عند السلم اللي بيبقي واقف عنده امن اللي بيبص علي كارنيهات الاعضاء اللي طالعين ل حمام السباحة و قولتلكو اني حصلي مشكلة جامده ف ضهري وكان شك ف كسر العصعوص.
وأضافت: انا نازله عل سلم دا قسما بالله براحة جدا لاني كنت حامل وبنزل سلمة سلمة.. وجوزي مستنيني علي اخر سلمه قالي اوعي تتزحلقي وتقعي هاتي ايدك عشان لسه شايف ولد وقع قدامي حالا عل سلم.. والله العظيم لسه بقولو متخفش انا علي. مهلي براحة مش مستاهله تسندني و بخطي سلللمه روحت اترزعت علي ضهري جاامد خدت الاربع سلالم دول زحلقة علي ضهري و دماغي طبعا فضللت اصوت من الخوف علي الحمل و من الوجع والناس شالوني ودوني العربية.. كشفت عند دكتورة النسا كل دا لا بعرف اقعد ولا اقوم ولا اكح من شده الالم ف ضهري ولا حتي انام علي ضهري. ولازم يشيلوني.
وتابعت: دكتورة قالتلي تعاليلي روحتلها قالتلي الحمل ف مكانه.. بس كنا خايفين التاثير يبقي بعد كدا و فعلا دا اللي حصل.. كنت اخر سونار عملاه قبل الوقعه بيووم و كان قياسات البيبي تمام.. َ بعدها بكام يوم حصلي اجهاض منذر روحت عشتن اطمن ومنتظرة اشوف الحجم بيكبر و كشفت لاقيت البيبي نموه متوقف و قياس البيبي واااااااقف عند القياس بتاع يوم الوقعه.. يعني متوقف نموه من يوم الوقعه…
وأردفت: انا بسقط و بجهض من امبارح و الحمل نزل حمل مستنياه بقالي ٤ سنيين نزل الدكتوره قالتلي الوقعه بتاعه الاسبوع الفات هي السبب لانها كدا سببتلك تجمع دموي عند الجنين ادي التجمع دا ان ميوصلوش الدم فا نموه وقف و البيبي نزل… و راح و راحت معاه فرحتنا عذاب الوقعه لحد امبارح كان ممنوع اعمل اشعه بسبب الحمل فا متعذبه و مستحمله عشان الحمل يكمل علي خير.. و عدَذاب طلق الاجهاض و عذاب فقدان جنين بقالي كتير اوي مستنياه.
وأكملت: كل دا بسبب ان النادي ارضيته كلها مش السلم بس ارضيته كلهااا زفففت بتزحلق ممكن تعمل مصااايب… اكيد مش انا بس اللي اتاذيت اكيد غيري كتير حصلهم مصايب من الووقوع والزحلقه بتاعه السلالم بس المرادي الزحلقه موتت روح كانت بتتكون جوايا انا معايا تقرير طبي هنزلهولكو بالكلام دا.
وأوضحت: حقيقي من الوجع مش عارفه انا مفروض اعمل اييه ولااااا اصلا فيه حد هيتجازي لو رفعت قضيه ولا لااا وعارفه اني مش هاخد. لا حق ولا باطل ومش هرفع ولا هنيل لان همي اكبر من كدا بكتيير وعارفه ان ربنا عايز دا يحصل بس حقيقي كل الللي حثل دا بسبب اهمال من اداره النادي ف حق اعضاءه انا بكتب البوست دا عشان تخلو بالكو علي نفسكو و علي ولادكو ولو واحدة فيكو حامل متعتبش من باب النادي.
وأتمت: التقرير اهو لو الخط مش واضح ف الصورة: السيدة/ ضحي محمد ابراهيم حامل بالشهر التاني تعرضت للوقوع من علي سلم بنادي الزمالك مما ادي الا اجهاضها و تعرضها لنزييف حاد