كان الشاعر أيمن بهجت قمر ضيفًا في إحدى البرامج أمس على قناة الحياة ، وتحدث خلال اللقاء عن مسيرته الفنية وتعاونه مع المطربين ، كما كشف لأول مرة عن سبب خلافه مع المطرب حسين الجسمي.
قال أيمن بهجت قمر عن خلافه مع حسين الجسمي: «أنا اكبر من التحدث في شئون مالية مع حسين الجسمي ولكني أقول له ابعد عن حقوق أولادي، قدمنا معا أكثر من 20 أغنية منها 15 كسرت الدنيا».
وتابع: «أنا وحسين الجسمي عدينا مرحلة إننا نتخانق على التنازلات وصيغتها، لأن مفيش بينا كده إحنا إخوات ومفيش بينا شيطان، وفي بينا نجاح وكيمياء حلوة».
وأضاف أيمن «واتفاجأت إن حسين الجسمي، باعت صيغة تنازل ملهاش أي مبرر، كأني بديله حقوقي وحقوق ولادي وأحفادي، يعني بديله كل حاجة وكأن أنا ليس لي أي حق أدبي ولا مادي في الأغنية، وبلا مبرر».
وتابع : «قولت لـ حسين الجسمي، المنطقة بتاعت التنازلات والعقود دي بيدخل فيها الشيطان، وأنا عمري ما غدرت بيك في حاجة ولا بعتلك أي إنذار، وعمري ما طمعت فيه».
واختتم أيمن كلامه: «مفيش خلاف لي مع حسين على حاجة، ولكنه عايز ياخد كل الحقوق اللي بينص عليها قانون الملكية الفكرية، ولكن في حقوق مبنتنازلش عنها، زي حقوق الأداء العلني، وحقوق إعادة النشر، ولو الأغنية حد عايز يعملها إعلان».