ردت الفنانة آمال ماهرآمال ماهر لأول مرة عن الإشاعات التي انتشرت عن اختطافها، والتي تصدرت حديث مواقع التواصل الاجتماعي لأيام عديدة، موضحة سبب صمتها عن الرد على تلك الشائعات بشكل فوري وسريع.
وقالت خلال لقائها مع الإعلامي عمرو أديب في برنامج الحكاية: أنا حية أرزق أهو، وشائعات اختطافي فرحتني، لأن ده يدل على حب الناس ولكن بقولهم أنا بخير مفيش أي حاجة خالص ودي كانت مجرد إشاعات زي أي حاجات كتير بتحصل في الوسط.
واستكملت آمال ماهر: «تعبي ومرضي كان مأجل اني أطلع أقول للناس أنا كويسة والاشاعات المرة دي كانت بزيادة».
آمال ماهر: كنت فاكرة الموضوع هيهدأ بس لقيته عمال يزيد
وكشفت آمال ماهر كواليس الأيام التي مرت بها مع تلك الشائعات التي انتشرت على منصات التواصل، معلقة: اتخضيت على نفسي وقتها، كنت فاكرة أنه يومين والموضوع هينتهي ويهدأ بس لقيته عمال يزيد ونزلت صورة لقيت الناس قالت إن الأكونت مش في ايديها، أنا قليلة الظهور على السوشيال ميديا وكنت مريضة جدا مقدرتش أطلع خوفت اطلع بشكلي في الوقت ده يقولوا هي فعلا مخطوفة وطلعت دقيقتين قالوا مش هي ومش في بيتها ، وقرايبي واصحابي كانوا قلقين عليا ومكنوش مصدقني وانا بكلمهم إني بخير خاصة اني كنت تعبانة فقالوا فعلا هي مخطوفة.
وأختتمت: أي إشاعة فيها إثارة ولغط الناس بتتبسط وبتجري وراها وبتبقى أوفر لكن أنا بخير ومحصليش أي حاجة ولا اتعذبت ولا اتخطفت واللي حصل ده من محبة الناس وقلقهم عليا.