أوضح الفنان اللبناني نيقولا معوض، سر اعتذاره عن المشاركة في فيلم أصحاب ولا أعز، الذي طرح عبر منصة نتفليكس خلال الأسبوع الماضي، وأصبح بعد عرضه حديث السوشيال ميديا بسبب ما يتضمنه من مشاهد خارجة.
وكتب نيقولا عبر حسابه الرسمي بموقع التواصل الاجتماعي “فيسبوك”: “يلّي متابعني منيح بيعرف انو ما بحياتي اعتذرت عن دور وبعدين طلعت قلت هيدا الدور كان لي.. مع اني ما بلاقيها غلط، بالعكس بلاقيها شغلة كتير عادية وما فيها أي انتقاص لا من الدور ولا من الممثل يلّي أخد الدور.. بَسّ اليوم، مع كل الجدل يلّي عم نشوفوا حول فيلم اصحاب ولا أعز، كتير حابِب قول انو كان المفروض كون واحد من مُمَثّلي الفيلم.. وكمان حابب قول انو سبب اعتذاري ما له علاقة أبداً بالجَدَل الجاهِل العَقيم يلّي عم نشوفوا حاليّاً”.
نيقولا معوض يكشف سر اعتذاره عن فيلم أصحاب ولا أعز: احنا عايشين بمجتمع منافق
وأضاف: “اعتذرت لانو ظروف كورونا خلّت التصوير يتأجَّل أكتر من مرّة وكان عندي ارتباط مُسبَق بتصوير خارج لبنان، فاضطرّيت انسحب من المشروع وأنا عارف مُسبَقاً اني كتير رح إزعَل لمّا شوف الفيلم.. كنت مفكّر حالي رح إزعَل بَسّ لانو الفيلم فنيّاً كتير حلو كمان لأنّي كنت عارف مُسبقاً كيف رح يكون أداء كل انسان اشتغل قدّام الكاميرا وورا الكاميرا تحت إدارة المخرج يلّي بحبّو كتير وِسام سمَيرة”.
وأردف حديثه عن فيلم أصحاب ولا أعز، قائلًا: “بَسّ اليوم لقيت حالي زعلان لأسباب تانية.. زعلان لأنو هالفيلم كان رح يكون فرصة تخلّيني قول بالفعل مش بَسّ بالحَكي قدّيه الفَنّ أعلى وأسمى من كل القيود والأحكام والرقابات، وقدّيه للأسف نحنا عايشين بمُجتمع منافق مُزدوِج المعايير.. تحيّة من القلب لكل حدا اشتغل على هالفيلم ولكلّ إنسان مؤمِن بِفَنّ حرّ ومُستقِلّ… بعرِف رح يكون في كتير تعليقات سلبيّة.. كان في ضَلّ ساكِت، بَسّ يلّي عم يتهاجَموا اليوم هنّي زُمَلاء وأصدقاء بحتِرِمُن، وكتير بحترم مشاركتُن بهالعمل، وواجِب عليّ وعلى كل انسان بفَكِّر متلناانو يوقف بصَفُّن.. بعتذر سلف عن عدم الرَدّ”.
أزمة فيلم أصحاب ولا أعز
وتدور أحداثه حول سبعة أصدقاء يجتمعون على العشاء، ويقررون أن يلعبوا لعبة، حيث يضع الجميع هواتفهم المحمولة على طاولة العشاء، بشرط أن تكون كل الرسائل أو المكالمات الجديدة على مرأى ومسمع من الجميع، وسرعان ما تتحول اللعبة التي كانت في البداية ممتعة وشيقة إلى وابل من الفضائح والأسرار التي لم يكن يعرف عنها أحد بمن فيهم أقرب الأصدقاء، ويجسد الفنان اللبناني فؤاد يمين شخصية مثلي الميول يخفي الأمر عن أصدقائه.