انتقد الإعلامي المصري أحمد شوبير ردود الفعل حول الفيديو الذي نشره النجم المصري محمد صلاح، لإعلان تضامنه مع القضية الفلسطينية وإدانة الأحداث التي تقع في حق المواطنين الأبرياء في قطاع غزة.
وقال شوبير في تصريحات لبرنامجه الإذاعي “مع شوبير” على راديو أون تايم سبورت: “محمد صلاح لو عمل اللالي مش هيعجب، ولو خد بندقية وراح يحارب مش هيعجب”.
وأضاف: “أنا مقدر اللى عمله واللى بيعمله صلاح، بوضوح شديد جدا أقف تماما في صف محمد صلاح، هو عارف الصالح العام وعارف بيتكلم إزاي وعارف رسالته بتصل لمين”.
وتابع: “صلاح كان عقلاني في رسالته وقال اللى الناس عايزه تقوله ومش مطلوب يمسك بندقية ويروح يحارب، كل واحد بيحارب بأسلوبه واللى عليه عمله، تبرع ماديا عمل وطلع أتكلم في فيديو، والفيديو بتاعه تخطى 110 ملايين مشاهدة”.
وشدد شوبير: “إذا ما كناش إحنا اللى نساند مش هيبقى فيه محمد صلاح وإنت بتعمل ده كله عشان عندك محمد صلاح فأنت عايز تلغى يبقى عندك حد بالقوة دى والتأثير ده ولازم ناخد بالنا، وهناك بيت شعر بيقول، والله لو صاحب المرء جبريل ما سلم من قال ومن قيل، أو قصة جحا والحمار”.