حرص أحمد سيد زيزو لاعب الفريق الأول لكرة القدم بنادي الزمالك على توجيه رسالة إلى جماهير القلعة البيضاء، اليوم الثلاثاء، وذلك بعد الهزيمة أمام فريق بيراميدز، والخروج من بطولة كأس مصر لكرة القدم.
وكتب أحمد سيد زيزو عبر حسابه الرسمي بموقع التواصل الاجتماعي “انستجرام”: “اولا الحمد لله و قدر الله ما شاء فعل، زي ما بتبقي مبسوط بالدعم و الحب و المسانده لازم كمان تتقبل الوجه الاخر السئ و هي دي ضريبه الحياه و المسؤلبه، تقدر تخليك في يوم احسن واحد فالدنيا وتقدر تخلي الناس تنسي كل حاجه انت ممكن تكون عملتها”.
وأضاف لاعب فريق الزمالك: “عشان كده واجب عليا فالمواقف والظروف دي اني اعتذر، عمري ما عرفت اهرب ولا استخبي من اي حاجه، ولا عمري هعمل كده، تقبل أو ترفض دا من حقك”.
وأتم زيزو رسالته، قائلًا: “ولكن كان واجب عليا تقديم الاعتذار زي ما دايما بقدم الشكر علي الحب، قادر اتحمل المسؤلية كاملة وقادر كمان أعديها، لكن خليكوا في ضهر ناديكم و لاعبيكم لأن في المواقف الصعبه بتبان فعلا معادن الرجال، شكرا”.