عبر الفنان أحمد خالد صالح، عن شدة سعادته بالمشاركة في فيلم 19 ب، مع المخرج أحمد عبد الله والنجم سيد رجب، وخاضوا به المنافسة في مهرجان القاهرة السينمائي الدولي في دورته الـ 44.
قال أحمد خالد صالح، خلال ندوة الفيلم الذي اقيمت في دار الأوبرا:” أول ما اتعرض عليا الفيلم؛ تحمست لكون أحمد عبد الله بيكلمني وبحب شغله، وشفت الورق فيه قضايا كثير منها ثقافة الاختلاف، والشغل مع أستاذ سيد رجب”.
وتابع:” المشهد بتاع الدكة وجزء إنساني من نصر، والشخصية ملهاش بُعد واحد ومش مجرد واحد بياخد الحياة بدراعه، ولكن الحياة اللي خليته كده.. اتبسطت بوجود مشهد بيوضح بُعد مُختلف للشخصية”.
وأضاف أحمد خالد صالح: “المشهد الأخير اللي بموت فيه، كان مشهد صعب ولكن مُمتع جدا، وعارفين بنعمل إيه، وتكاتفنا في التصوير سهّل الموضوع، وكان فيه تحدٍ كبير جدا وعملنا بروفة قبلها بيوم، وعارفين هنعمل إيه، وده سهّل الموضوع شوية.. هل دي النهاية العادلة للجمهور ولا لأ؟.. هسيب الجمهور هو اللي يرد”.