كشف الفنان أحمد العوضي، عن تفاصيل لزمة حديثه في مسلسله الرمضاني 2024 «حق عرب»، وذلك خلال تصريحاته لبرنامج هوليلة فى ٣٠ ليلة»، مع دنيا صلاح عبد الله على ميجا FM.
وقال: «أنا اللى بحضر اللزمة بتاعة أي شخصية بعملها، وجملة إيه اللى لم الدلى على البلى معناها إيه اللى لم الشامي على المغربي».
مضافاً: «أنا كل سنة بالنسبالي تحدي وكل شغل بشتغله بيبقى بالنسبالى كأنى بشتغله لأول مرة و الشخصية اللى بعملها بنساها وبركز فى اللى بعدها».
أحمد العوضي: مش معنى إني من منطقة شعبية أبقى مش مثقف
مستكملا: «أنا مميز فى حتة الاكشن وبحب أعمل المشاهد بنفسي من غير دوبلير، ومش معنى ان أنا شعبى يبقى أنا مش مثقف أنا من منطقة شعبية وفى نفس الوقت قارئ».
مختتما: «بالنسبة للحلقات الجاية أو النهاية كل ما هو مش متوقع كل ما هو هيحصل».