تحدتث الفنانة دينا فؤاد عن دورها في مسلسل الإختيار، وذلك خلال لقائها برنامج كل يوم والذي يقدمه الإعلامي خالد أبو بكر على قناة ONE.
قائلة: «اتعرضت لهجوم كبير بسبب دوري في مسلسل الاختيار بسبب الشخصية اللي لبستها في المسلسل وهي مرات هشام عشماوي، وأنا كنت مصدقاه، أنا كنت بوثق حقيقة أنا مذاكرتش انا كنت مغلولة من اللي بيحصل واتعرضت لهجوم كبير من زوجات الإرهابيين بسبب الدور».
دينا فؤاد: أبويا كان رافض أني أمثل وشايف أن العالم ده مش بتاعنا
«بحب التمثيل من صغري وأبويا كان رافض خالص وشايف أن العالم ده مش بتاعنا واشتغل مذيعة في قناة الحرة كان سياسي اجتماعي، قابلت صحفي وصلني بنور الشريف وجوزي كان وافق أن أكون ممثلة ونور الشريف قال أنا بتفرج عليها ووشها في الكاميرا حلو وأما قابلته فضل بصصلي وكنت شيفاه أكتر نجم بيتبني نجوم جديدة وبتنجح معاه، بعدها اتصل بدكتور محمد عبد الهادي وطلب منه يمرني وأول ما بدأت بدأت في مسلسل الدالي وكان فيه ناس كتير جدا قاعدين يقرأو الورق وكل الكاست كانوا طالعين من تحت ايد نور الشريف».
دينا فؤاد: الناس كانت بتقولي هبة الدالي
متابعة: «نور الشريف حط الورق قدامي وقالي قولي الجملة دي، ولقيت محمد فوزي بيقولي اديني عنوانك عشان ابعتلك ورق هبة الدالي وصورنا الدالي ونزلت تاني يوم رمضان ولقيت الناس بتقولي هبة الدالي، وبدأت أخد أحسن وجه صاعد وبعدها على طول جالي فيلم حلم العمر ونجحت فيه جدا رغم أن مكنش عندي النضج الفني الكامل أن أعمل ده وكان نفسي أعمل الفيلم ده دلوقتي، مسعتش لحاجة من الحاجات دي وبداية نضجي الفني كان من خلال دوري في مسلسل الاختيار».