أحمد أدم/ عبر الشهير بالقرموطي عن رأيه في عالم السوشيال ميديا، وكشف انه لا يحبها ولكن لديه عين سحرية، يرى جميع ما يحدث في الفيس بوك، ولكن لا يحب أن يظهر لذا لديه حساب شخصي باسم مستعار.
وصرح خلال لقائه مع الإعلامي رامي رضوان ببرنامج “مساء دي ام سي” الذي يعرض عبر قناة دي ام سي الفضائية قائلاً: “مبحبش السوشيال ميديا ومسميه أصلا الفيس بؤس بس عندي عين سحرية واكونت بيني وبين صحابي واسرتي واولادي فقط”.
أحمد أدم يكشف عن رأيه في السوشيال ميديا
وتابع قائلاً: “مشكلة الفيس بوك اننا شعب بذات المصريين اللي هو لو ركبت قطر هتلاقي الراجل اللي جمبك بيشتكيلك همومه فهو مش بيبقى لاقي صديق فبيفضفض مع اي حد والفضفضة زادت عن حدها خاصة على الفيس وسرقة البوستات من بعضنا، ما تقول ان فلان هو اللي قالها كدة مش عيب”.
واردف قائلاً: “ليه اكلم واحد اقوله عرفني وانا مش عارفه ونشتغل بعض ليه ومن زمان وانا مش طايق الفكرة ديه عشان كده مخلي الصفحة صحابي وولادي بس ومش باسمي وهي ديه العين السحرية بتاعتي”.
سبب منع دخول أحمد أدم عالم السوشيال ميديا
وأشار انه يحب ان يكون مختلفاً قائلاً: “احاول منذ البدايات ان لا اكون شبيها لاي احد، ومش عشان كل الناس عملت فيس بوك يبقى لازم ان اعمل حتى لو كان ضروري بس انا مش من نوع اللي بيمشي مع الطيار”.