تعرضت فتاة تدعى روفيدة جمال لعملية نصب من خلال موقع التواصل الاجتماعي “فيس بوك” أثناء محاولتها مقابلة المستشار بهاء أبو شقة ، رئيس حزب الوفد والمحامي الأشهر في مصر لعرض إحدى القضايا عليه .
تفاصيل الواقعة حكتها روفيدة جمال خلال منشور لها على موقع التواصل الاجتماعي ” فيس بوك “قائلة:” انا اتعرضت لعملية نصب و هحكي الي حصل و طالبة من كل واحد يقرأ الكلام دا ينشروا عشان محدش يحصلوا الي حصلي من شهر كنت بدور على أكبر مكتب محاماه في مصر بسبب موضوع عندنا و هو مكتب المستشار بهاء الدين أبو شقة”.
وأضافت روفيدة قائلة :” مكنتش عارفه اوصله بسهولة المهم دورت على الفيسبوك و لقيت صفحه ليهم و رقم التليفون و اتواصلت معاهم فعلآ و طلب مني احوله مبلغ لتحديد موعد حاولت كتير معاه اني أدفع الفلوس لما أجي كان مصر أنه مش هينفع اروح المكتب او اخد معاد قبل ما أحول الفلوس بالفعل حولتهم و روحت لعنوان المكتب و هو العنوان الحقيقي لمكتب ابو شقة بس كان قافل طبعا لان كنا قبل العيد و بكلم الشخص دا بعد استهبال في الكلام كتير”.
وتابعت الفتاة قائلة :” قاللي انا نصاب و نصبت عليكي و يلا روحي بلغي عني وانتي واحدة رايحه لأبو شقة يعني مش هتدفعي أقل من مليون جنيه فا مش هيفرق معاكي كام ألف جنيه وانا نازله من المكتب قالولي انتي مش أول واحده دا في غيرك كتير اتنصب عليهم من الناس دي و في مبالغ اكبر من كدا.
وتابعت روفيدة قائلة :” المهم طلع ان دا شخص منتحل شخصية المدير المالي للمكتب و لا تمت للمكتب بصلة و معرفش إزاي مكتب كبير زي دا مش عارفين يجيبوا الشخص دا و في الحقيقة هو مش واحد بس دول سبع أشخاص و عاملين البيزنس دا على كبير أوي والشخص دا مقفلش الموبايل و لسه بياخد مواعيد من ناس و لسه بيخد فلوس حجوزات فا لو انا متأثرتش باللي عمله دا غيري كتير هيتأثر و في مبالغ اكتر”.