كتبت _ ندى السبكي
نشرت المغربية “بسمة بوسيل” زوجة الفنان “تامر حسني” صورة جديدة لها، عبر الإستوري عبر حسابها الخاص على “الإنستجرام”.
وظهرت “بسمة بوسيل” في الصورة عقب عودتها للفنان “تامر حسني”، والسبب وراء الصورة هو تغريدة رومانسية قام “تامر حسني” بنشرها لها.
وكتب “تامر حسني” مؤخراً رسالة لزوجته، عبر الإستوري على حسابه الخاص على “الإنستجرام” قائلاً :”بسمة حبيبتي للأسف انتي ما فكرتي كويس وسلمتي ودنك لشر سوشيال ميديا كام تعليق كلامهم فارغ نسوكي انك عرفتيني وأنا مشهور ودي طبيعة شغلي اللي حبتني وعرفتني بيها ازاي يوصلوكي للبعد والزعل، المهم انا مش هزعل منك ولا هيرضيني انك تزعلي”.
وتابع كلامه قائلاً :”عشان انتي حبيبتي وام عيالي وانا ضهرك وسندك مهما حصل بس اللي عايز اقوله لعل نكون سبب خير في التوعية ناس كتيرة.. لية لما حد بيزعل من حد بيكتب على سوشيال ميديا طب حتى يكلمه الاول اية علاقة الناس بمشكلة شخصية بين اتنين ممكن تتحل بالتليفون”.
وأضاف قائلاً :”ربنا جعل بينا مودة ورحمة عشان كدة انتي عارفة أن في ناس طبيعتهم حب خراب البيوت ومش هنخلص منهم بس انتي اللي هتخلصي من فكرة انك تسمعيهم .. مع انك مكنتيش كده”.
واختتم كلامه قائلاً :” ياريت تركزي مع طاقة الناس اللي دعولنا ودعوا لأولادنا بكل خير وفعلا أنا بشكر كل الناس والفنانين اللي سعوا في الخير لينا وأنا واثق انك زعلانة انك كتبتي كدة، هو تصرف متهور منك ولا يهمك مش عيب أى انسان يغلط ويتعلم وأنا ياما علمتك ولسه هعلمك كان نفسي الكلام ده يكون بينا”.
ومن أخر اعمال الفنان تامر حسني أغنية بعنوان ” قولنى كلام وتصدرت التريند العاشر عبر موقع التواصل الاجتماعي لمشاركة الفيديوهات “يوتيوب”.
وكانت هذة الأغنية من كلمات تامر حسين وألحان تامر علي وتوزيع وميكس وماستر علي فتح الله.