استضافت الإعلامية “إسعاد يونس” بالأمس الثنائي المتألق دائما، والمشهور أحمد خالد صالح، وزوجته هنادي مهنا، إبنة الموسيقار الكبير هاني مهنا، في برنامجها الذي يحمل عنوان “صاحبة السعادة”، ويعرض عبر قناة “Dmc” الفضائية يومي الأثنين والثلاثاء في تمام الساعة 11 مساءً.
وصرح أحمد خالد صالح عن تفاصيل علاقته بزوجته وكيف التقوا قائلاً: “كنا صحاب ونعرف بعض قبل التمثيل، وكنا بنتقابل في عيد ميلاد مثلا، أو عزومة في رمضان”.
وأضاف أحمد قائلاً: “كان فيه مسئولية جمعتنا وهي إننا مش شايلين أسامينا لوحدنا، كان علينا مسئولية اهلنا اللي تعبوا كتير في اللي وصلوله، دا كانت أرض مشتركة بيننا، بعد كدة الموضوع اتطور وبقى فيه بينا تليفونات وإحنا في الشغل، وكنا بنقعد نتكلم كتير”.
أشارت هنادي قائلة: “كنا بنتكلم في الشغل، ومكنش لسه فيه علاقة بينا.. ومكناش صحاب أوي.. كنا بنروح المكان نسلم علي بعض، ومكناش بنتكلم في التليفون، دي المرة الوحيدة اللي معرفش ايه اللي حصل فيها”.
واستكملت قائلة: “فيه مكالمة منهم قعدت 4 ساعات مش عارفه ليه.. كنت قاعدة في مكان بصور مسلسل، وهو كان في مكان بيصور فيلم، وكنا قاعدين بنتكلم والمكالمة تفصل ونتكلم تاني”.