علقت الفنانة آمال ماهر للمرة الأولى، على العديد من الشائعات التي أثيرت حولها، مؤكدة أنها بخير وتعيش في سلام وتنعم بمحبة الناس.
وأضافت آمال ماهر في حوار لها مع الإعلامي عمرو أديب في برنامج الحكاية: «أنا بخير الحمد لله، لما طلعت في فيديو دقيقتين قالوا مش هي، ومش في بيتها».
وتابعت: «أنا اتخضيت من كتر الناس القريبين اللي بيكلموني، وبكلمهم وأرد عليهم ومش مصدقين إني أنا بكلمهم، بكلم قرايب وأصحابي بيقولوا لا ابعتيلنا صوتك، قلت لا انتو بتستهبلوا وزودتوها».
واستكملت: «كنت أمشي، أقولهم والله ما في حاجة، كنت بروح الجيم، ولما تعبت وبطلت اتأكدوا قالوا لا خلاص دي مخطوفة وفيها حاجة، لا مفيش أي حاجة».
وأضافت: «بحس إن بالفطرة كده، الناس بتجري ورا أى إشاعة، والمرة الجاية لو فيه حاجة هسيب فيديو احتياطي».
وختمت: »أنا غنيت وقالوا لا مش هي برضو، قالوا دي دوبلير، ولغاية برضو وأنا قاعدة معاك يقولوا مش أنا، أو حاجة قديمة».