طرح المطرب “صفوت حسام”، أمس أحدث أغانيه، والتي تحمل اسم “بقينا لبعض ليه فترات” عبر موقع الفيديوهات الشهير “يوتيوب”.
يذكر أن أغنية بقينا لبعض ليه فترات غناء صفوت حسام، ومن كلمات عمر سلطان، اللحان احمد صواف، وتوزيع عمرو عبد الفتاح، وميكسً وماستر ياسر انور، وتم الغناء في استوديو 5، جيتار شريف فهمي، قانون ماجد سرور، ناي محمد عاطف، طبله ورق ماجد الصواف.
وتقول كلمات الأغنية:-
بقينا لبعض ليه فترات
محدش فينا بقى داري..
نشيل جوانا و النظرات
بتتكلم و بتداري..
و بنعالج في نفسيات
وبنسكن و بنداوي..
عرضين قلوب مليانه اهات
يامين يليمنا على شاري..؟
ونسأل بعض ١٠٠٠ سؤال
عن الوحده و احوالها..
فيه اللي يقول دي راحه بال
وفيه اللي عاش بيلعنها..
عايشين بنرقص علي موال
وتيجي الفرحه نمنعها
وتيجي الفرحه نمنعها
نستغرب لما يوم نتساب
نروح عالبحر ونسافر..
ونسرح في اللي سابنا و غاب
و يصعب حالنا عالكافر..
ولو سألوا ايه الأسباب
على غيرنا دايما بنشاور..
طب ماحنا ياما ظلمنا أحباب
في حياتنا لازم هنعافر.
من جانبه كان قد كشف المطرب صفوت حسام عن عمل غنائي جديد من الحان أحمد صواف ، ويحمل اسم “بقينا لبعض ليه فترات”.
وذكر صفوت لـ”أوان مصر” فكرة عمل الغنوة قائلاً:” الأغنية بتتكلم عن الم الفراق والوحده بعد نهاية أي علاقة بتحصل”.
يذكر أن أولى أعمال صفوت حسام كان كليب ” كل يوم”، للمخرج حسام بدران، وتوزيع عمرو عبد الفتاح، وميكس وماستر ماهر صلاح، وكانت تدور فكرته عن الزوجه الأنانية المستغلة.
جديرًا بالذكر أن صفوف حسام يعد من المطربين الصاعدين الذي واجهته صعاب كثيرة في الوسط الفني ولكن تغلب عليها ، وكان قد وجه رساله للوسط الفني من مؤخرًا قائلاً:” أن الفن رساله لو هتتعاملوا معاه باستهتار أو باسلوب النحت بس، للأسف الفن هيهبط ومش هيطلع تاني حاولوا تتعاونوا شويه مع المطربين الصاعدين، لان انتوا بتموتوهم من أول سلمه وبتقتلوا طموحهم وربنا يهدينا جميعا”.