انتحار موظف في شركة تيلي بيرفورمانس مصر حيث نشرت فتاة تدعى روشان بغدادي مقطع فيديو تبين من خلالة تفاصيل انتحار موظف فى شركة تيلي بيرفورمانس مصر وشهدت حالة الانتحار من داخل الشركة واقعة انتحار موظف في شركة تيلي بيرفورمانس : وقالت في حاجة حصلت ولازم العالم كله يعرف اللي حصل، من يومين واحد في الشركة نط من الدور الثالث عشان ينتحر،
تفاصيل الواقعة
وقالت وهي تبكي: أنا كنت واقفة جنبه وهو بياخد آخر نفسه في المكان، أنا لحد دلوقتي مش عارفة أقوم من السرير ولا أدخل المكان تاني، يا جماعة أنت كتيم ليدر أو مدير حط نفسك مكان أي حد، أنت مسؤول، لازم تحسوا بالناس اللي تحت إيديكم.
واضافت بغدادي: أنت الموظف بيقضي معاك وقت أكتر ما بيقضي في بيته، انتو لية بتعاملوا الناس على إنهم عبيد، إحنا مش عبيد، زي ما أنت عاوزه يتعامل مع الزبائن أنت كمان لازم تشوف مشاكله فين
وقالت الراجل كان واقف جنبي وهو بيموت، بقول لبتاع الأمن ربنا يرحمه قالي الله وأعلم، وممكن ميرحموش أنت مين انت اي عشان تقول ربنا يرحمه اوميرحموش.
وشددت: عواطف الناس مش لعبة في إيديكم، الولد نزل الشغل مرجعش لأهله، كل ده عشان تحقق أرقامك،
وأشارت إلى أن المدير لا بد أن يقف بجانب موظفيه، ويضيف إليهم دائمًا، متابعة: ربنا هيسألكم عن الأرواح اللي بتروح بيتها كل يوم مكتئبة، عشان فاكرين إنك مدير ناجح، عمرك ما هتكون مدير ناجح والناس بتروح بتعيط من تعسفك وجهلك
وأكدت أن الشركة لم تنشر نعيا للموظف، وقالت: حسبي الله ونعم الوكيل، لا حول ولا قوة إلا بالله العظيم، وصلنا إننا حتى مش عاوزين ننعي الراجل.
أنا بلوم نفسي إني ملقنتوش الشهادة، يا ريت مصر كلها تترحم عليه، الناس دي هتتحمل المسؤولة قدام ربنا.
وواصلت بغدادي: مش هتكون مدير شاطر وأنت بتدوس على الناس، اوعوا تستهونوا بمرض الاكتئاب، اللي بيهزر ويضحك معاك بيروح ياخد دواء عشان بس ينام.
حسو بالناس بقا حرام عليكم