كتب : عمر التوني
تعرض الفنان إسلام إبراهيم للتنمر، بعدما ظهر في حفل افتتاح مهرجان القاهرة السينمائي الدولي في دورته الـ42، الذي أقيم في دار الأوبرا المصرية.
فى هذا السياق كتب إسلام، عبر حسابه الرسمي على موقع التواصل الإجتماعي «فيس بوك»، :«مالها البدلة يا جماعة مش فاهم، ولا عشان أنا اللي لابسها فمن حقك تشتم وتجرح حتى لو أنا ما سألتكش في حاجة أو غلطت فيك».
وأضاف : «اللبس ده حرية شخصية، البدلة كحلي في أبيض عادية جدًا أنا شايفها حلوة وما زلت شايفها حلوة.. بجد مهنة التمثيل بقت قاسية جدًا ومش أي حد يتحملها والتنمر اللي بيتعرضوا له الفنانين بقى لا يحتمل».
وتابع قائلاً : «محدش يقولي متردش أنت شخصية عامة، أنا في الأول والآخر بني آدم، وبردوا مش هتقدروا تهزوا ثقتي في نفسي أو في ربنا».
واختتم قائلاً : «أكيد مش كل الناس مقصودة بالبوست بتاعي، بفضل ربنا في ناس كتير بتحبني وبتحكم عليا من خلال فني اللي بقدمه وبس، ربنا يخليكوا ليا ويكتر من أمثالكم».