وجهت الفنانة المعتزلة حلا شيحة، نصيحة لجمهورها ومتابعيها، للتبرع لعمال النظافة والدليفري، عبر خاصية استوري بحسابها الرسمي على موقع التواصل الاجتماعي “إنستجرام”.
وكتب حلا: “200 جنيه غالبًا بتبقى أقل حاجة بنصرفها، لو خارجين مع صحبنا وبتبقى خروجة مش متكلفة كمان”.
وأضافت: “200 جنيه لو اديتهم لعامل في الشارع أو unexpected tip لبتاع الديلفري، أو البنزينة أو عامل نظافة أو جنايني، ممكن يفضل مش مصدق نفسه، ويفضل فرحان بقيت الشهر، هو متوقع أقصى حاجة من 10 لـ 20 جنيه”.
وأردفت: “بس 200 جنیه ده رقم محترم بالنسباله، وحقيقي مش هتفرق معانا، لو مخرجناش المرة دي وأكلنا في البيت”.
رسالة حلا شيحة لشقيقة معز مسعود بعد وفاتها
من جهة أخرى، نشرت الفنانة حلا شيحة عبر حسابها على موقع التواصل الاجتماعي انستجرام ، رسالة مؤثرة توجها لشقية معز مسعود .
كتبت حلا شيحة، من خلال حسابها الرسمي على “إنستجرام”: “زي الجمعة دي الجمعة اللي فاتت كنا معاكي يا علا وانتي بتتزيني للقاء الخالق من وقتها بسرعة وهوا عدى أسبوع والنهاردة تاني جمعة ازاي الوقت بقى سريع اوي كدة,
و أكملت : الواحد بقى عنده كمية طول امل في الدنيا دي لا ينتهي فعلا الوقت بيبان كانه طويل ولكنه في الحقيقة بسرعة البرق، حبيبتي يا علا يا ترى ايه اللي كان بينك وبين الله عشان كم الحب اللي انا شخصيا شوفته اللي انا لمسته فيكي انك كنتي صاحبة روح طايرة وابتسامة تخطف القلب”.
وتابعت: “ويوم كتب كتابي على معز كنتي سعيدة جدا بتتأملي بهدوء المشهد كله وكنتي فرحانه من قلبك وفرحانة لمعز وعينك كانت بتقول كلام كتير من غير ولا كلمة .. انتي كنتي جميلة من جوة وبرة .. ويوم رحيلك كنتي كمان جميلة … ربنا اختار لقائك في أحلى يوم في الاسبوع خير يوم طلعت فيه الشمس يوم الجمعة، حبيتك وهفضل ادعيلك ديما ومستنية في يوم اقابلك في الجنة ونعيمها ان شاء الله يا عروس السماء فعلا ربنا يصبرنا على فراقك يا جميلة ويصبر احبابك كلهم والنهاردة هكون معاكي بالدعاء اطمني ونامي نومة العروس يا اجمل بنوتة”.