غابت الفنانة سوسن بدر عن مشاركتها في موكب نقل المومياوات الملكية مساء السبت حيث رشحها كثيرون للمشاركة بسبب ملامحها القريبة من الملامح الفرعونية إلى جانب انتشار صور لها مؤخرا بملابس فرعونية وضعتها سوسن عبر حساباتها الرسمية على السوشيال ميديا.
وعلق الكثر من رواد السوشيال ميديا عن غياب سوسن بدر وحضور الفنانة يسرا وكتب أحد المتابعين علي الفيس بوك : على مدار اليومين اللي فاتوا كان فيه محاولات لتقليل تواجد الفنانة يسرا في حفل المومياوات الملكية، ومش بس كده كان في كمان مقارنات بينها وبين الفنانة سوسن_بدر.
وقال معلقًا: مبدئياً كده أي مقارنة بين الاتنين مش هتكون في مكانها الطبيعي لأن مفيش اي علاقة بين تواجد يسرا وتواجد سوسن بدر مثلاً.. والحدث يستحمل وجود كل النجوم والمشاهير عادي .. وهل من الطبيعي لما يطلبوا يسرا للمشاركة هنقولهم لا مش هاجي كلموا سوسن بدر؟ اكيد لأ.. بالعكس يسرا واصلة لكل فئات المجتمع وكل الطبقات سواء البسيطة او الراقية.
وتابع المعلق: يسرا يعتبر الوحيدة من جيلها اللي لسه مكلمة حتي الآن في نجوميتها وبالعكس عمل عن التاني بتحقق نجاح أكبر وأكبر واعمالها بيتم تسويقها بشكل كويس سواء جوه مصر او برا ومطلوبة دايماً.
وأضاف المعلق: يسرا نجمة كبيرة جداً ووش السعد علي ناس كتير جداً من نجوم وكانت سبب في تواجدهم فنياً لأنها بالبلدي كده “مش منفسنة”.. بالعكس هي دايماً بتدي فرص وبتساعد كل اللي حواليها ويشوفها إنها رمز للحب والبهجة والعطاء، ده حتى لما غنت في 3 دقات الاغنية كسرت الدنيا وحققت ارقام قياسية لحد دلوقتي المطرب أبو مش عارف يوصل لنفس الارقام تاني، والامثلة كتيرة جدا لمواقف يسرا في الجدعنة وحب الخبر الي حواليها.
وظهرت يسرا في إطلالة راقية جدا في حفل المومياوات المصرية وكانت ممثلة للمرأة المصرية بشياكتها وحلاوتها وجمالها وروحها الحلوة.
في حب ودعم يسرا المحبة لوطنها والمخلصة لفنها.
وتألقت يسرا، خلال مشاركتها في حفل نقل المومياوات الملكية، بإطلالة فرعونية مليكة رائعة. وارتدت فستاناً باللون الأبيض الناصع، وتتميز قصته بسبعة صغيرة من عند الصدر ووشاح طويل بنفس اللون.
واعتمدت مكياجاً قوياً وركزت على رسمة العيون، واختارت أن يكون شعرها الذهبي منسدلاً على كتفيها.