مازالت الإعلامية ياسمين عز في إثارة الجدل، وذلك من خلال تصريحاتها ونصائحها للسيدات من خلال برنامجها كلام الناس، الذي يتم عرضه على شاشة قناة mbc.
وقالت ياسمين عز :” البعض ساب جوهر الموضوع والكلام الكبير اللي قولناه مع الضيوف ومسكوا في كلامي عن الفرخة والسجادة وفين ايام ما كنت الست بتدي جوزها الحتة الكبيرة من الفرخة”.
وتابعت :” بما انكم فتحتوا الموضوع فانا قريت حكمة صينية عجبتني بتقول البيت الذي تمارس فيه الدجاجة عمل الديك مصيره الخراب .. يبقى تسيبي الديك يقوم بشغله واكتفي بكونك انتي دجاجة جميلة وأنتي مينفعش تكوني ناعمة وأنقى وفي نفس الوقت قوية،أنا أكون ناعمة وأنثي ومستسلمة تماما بس شخصيتي قوية وأعرف أقول لا لما يبقى ليا الحق أقول لا بس مقعدش أناطح”.
وأضافت ياسمين :” والله لو كلفتوا نفسكو وشوفتوا الحلقة كاملة فكلامي موجه للستات القادرة المفترية مش لكل الستات مقصدش الست الشقيانة على بيتها وعيالها دول كتر خيرهم، لكن كلامي موجه لفئة قلة “.
واختتمت ياسمين عز حديثها :” سبتوا كل كلامي ومسكتوا في الفرخة والسجادة أومال لو قولتلك اوعي تقولي لجوزك خد كيس الزبالة معاك وانت نازل هتعملوا ايه ” .