ياسمين عز، وجهت الإعلامية ياسمين عز، نصائح للسيدات بمناسبة عيد الأضحى، وذلك في حلقة اليوم من برنامجها كلام الناس عبر شاشة إم بي سي مصر.
ياسمين عز توجه نصائح للسيدات بمناسبة عيد الأضحى:”حكمي عين العقل مش عين العجل”
وقد أعربت ياسمين عز من خلال برنامجها عن سعادة الزوج في المتطلبات العادية في أيام عيد الأضحى المبارك، وتحدثت : “فأجئي جوزك بحاجة حلوة وبلاش عكننة ونكد ويلاقي مصطلحاتك تحولت لواحد بيتاجر في الأعضاء ليه تتخانقي إن أخت جوزك خدت جوهرة العجل هي يعني خدت أحجار كريمة؟ دي حاجة ما يحصلش عليها خناقة، حكمي عين العقل مش عين العجل”.
وتابعت ياسمين عز: “مش عاوزين نسمع الجملة الشهيرة إن حماتك خدت الفخدة ومش هعمل لك فخدة، فخدة إيه اللي بتتحط على وش الفتة، أنا بشوف غرائب وعجائب، أكسبي حماتك وجوزك وافرحي بالعيد في حاجات أحسن من الفخدة ارضي علشان لما تكبري تلاقي الجردل قدامك بلاش تحولي أي حاجة لخناقة ملهاش لازمة”.
واختتمت: “أكم من بيوت فيها خناقات بين الحماة والزوجة أول يوم العيد والعيد بيتحول لنكد وحزن وهم، وفي الآخر كله هياكل وهيشبع واللمة بتحلى، واللي ياخد ياخد خليكي الكريمة وكبيرة البيت وفي الأول والآخر نفسك الجميل هيطلع في كل حاجة”.
ياسمين عز و الحجاب
ويذكر أن في وقت سابق، قد تحدثت فقرة عن حجاب السيدات في برنامجها كلام الناس عبر شاشة MBC مصر، وأظهرت موهبتها في “لف الطرحة”.
وقالت ياسمين عز: كل أمهاتنا بيلبسوا حجاب، وأنا شاطرة أوي في لفات الحجاب، والحجاب دا من أحلى الحاجات في الدنيا وربنا يهدينا جميعا والفقرة دي قررت متتلغيش وهعملها أنا، وتقبلوا مني إني بعملها على قد ما بقدر.