تحدثت الفنانة ياسمين عبد العزيز عن علاقتها بـ الفنان أحمد العوضي بعد الإنفصال، وذلك خلال حلولها ضيفة ببرنامج صاحبة السعادة، والذي تقدمه الإعلامية إسعاد يونس، والمذاع على فضائية DMC.
قائلة: «في ناس بتتمنى لينا الشر والأذي، هما قاعدوا يقولوا أننا شوفنا بعض في حفل سحور برمضان، ودا محصلش خالص، يا جماعة ارحمونا بجد بلاش كلام بيتقال كدب».
مضافة: «ومن وقت طلاقنا كل ما أفتح فيسبوك، أو إنستجرام، أو تيك توك، بلاقي الناس عاملة لينا فيديوهات وصور وإحنا حاضنين بعض، وبجد الحاجة دي بتوجع أوي».
ياسمين عبد العزيز عن طلاقها من العوضي: الخيانة مش السبب
متابعة: «أكيد كان في مشاكل قبل الطلاق، أنا مع أحمد لما حبيته اكتشفت إن أنا ماكنتش بحب قبل كدة .. اللي حصل قبل كدة في حياتي ده مش حب وإن أحمد أول حب في حياتي .. الحب الحقيقي أحمد».
مستكملة: «أنا عن نفسي عملت استخارة وعملت عمرة وفيه حاجات كدة بتبقى بتاعة ربنا فـ ربنا عايز يمشيني في سكة معينة أنا راضية بيها واللي عايزه يكون حتى لو دي مش رغبتي، يمكن أنا قولت يارب أعملي اللي فيه الخير وربنا شاف إن ده الخير .. لكن أنا عارفة إن أحمد بيحبني وهو عارف إن أنا بحبه».
مختتمة: «أقسم بالله سبب الطلاق مش خيانة، وفيه ناس مؤذية كتير بقالهم سنين بيأذوني وربنا يجبلي حقي، وأكيد لو خيانة أنا مش هسكت، والجمهور الحقيقي اللي بيحبنا بيحبنا مع بعض، فيه ناس قلبها أسود وحقودة مبيحبوش يشوفوا اتنين بيحبوا بعض ميعرفوش يعني إيه حب».