فاجأ الفنان أحمد فلوكس، الجمهور بتعليقه على طلب أحد متابعيه باعتزاله التمثيل والتوجه إلى طريق اللله عن طريق العمل إمام مسجد.
فقد قال هذا المتابع من خلال التعليقات على منشور لفلوكس، عبر حسابه الرسمي بموقع التواصل الاجتماعي “فيسبوك”: “يا عم سيبك من الفن والبطيخ ده، انت تنفع تبقى امام مسجد او مقرء”.
ليرد عليه فلوكس، قائلًا: “ياريت أوصل إن ربنا يغفر لي كل ذنوبي ويديني مكانة إني أكون إمام مسجد ينشر علمه الحق، وأكيد ساعتها هاتمسك أكتر بالفن، وممكن كمان اتفرغلوا لأن الأخلاق والنهوض بها رسالة سامية لفن حقيقي”.
أحمد فلوكس يهاجم الإعلامين والصحفيين
وكان قد أعرب الفنان أحمد فلوكس، عن استيائه الشديد من محرفي تصريحات والده فاروق فلوكس، مشيرًا إلى أنه لا يصح أن يُطلق عليهم مسمى صحفي أو إعلامي.
ونشر فلوكس مقطع فيديو عبر حسابه الرسمي بموقع التواصل الاجتماعي “إنستجرام”، وقال من خلاله: “والدي ربنا يديله الصحة كان في انترفيو مع الاستاذة لميس الحديدي، فالراجل كان بيشرح أنه عايش على معاشه كمهندس، وانه لو كان معتمد على الفن كان زمانه بيشحت، رسالة واضحة للناس اللي بتحرف التصريحات، وطبعًا هما مذكورين في القرآن بأسامي عديد مثل المضللون والمكذبون والآفاقون الجاهلون، وهما دول اللي كتبو منشتات كتيرة يحس من خلال القارىء أن فاروق فلوكس ده اقعد بالعصاية قدام الباب بيشحت وإن ابنه رميه”.
وأضاف أحمد فلوكس: “طبعًا أنا بدي عذر لأن 90 % من الناس اللي بتكتب مش خريجي صحافة، رقم اتنين ميعرفوش اساسًا التعبيرات اللغوية معناها ايه، زي بالظبط اللي بيجري ورا جيبة عريانة وهو من الاساس ميعرفش تحتها ايه أو هيشوف ايه”.
وأردف: “وفي الحقيقة الموضوع كله مكنش كده، ووالدي كان حابب يوصل رسالة، انه لولا أنه خريج هندسة كان زمانه اتبهدل”.
واستطرد: “والنقطة التانية والدي قال أني لساني مبيعرفش يسكت عن الحق، والجهابذة بتوعنا بتوع الإعلام دول، طلعوا قالوا إن لساني متبري مني، اتقوا الله عشان اللي هلمحوا همرجحوا، احنا أسرة محترمة”.
واختتم: “انتو مش اعلاميين انتو بوابين”.