وأضح لاعب النادي الأهلي وليد سليمان أسباب قرار اعتزاله كرة القدم نهائياً، وذلك بعد ان ينتهي عقده مع النادي الأهلي.
وليد سليمان يكشف أسباب اعتزاله من النادي الأهلي
وصرح أثناء لقائه ببرنامج “مساء دي ام سي” الذي يعرض عبر قناة “دي ام سي” الفضائية، قائلاً: “الناس عارفة ان ديه اخر سنة ليا في النادي الاهلي بس ده كعقد ولو النادي الاهلي قالي مش هتجدد وديه اخر سنة هبطل كرة”.
وأضاف قائلاً: “مش هينفع العب في نادي برا تاني غير الأهلي وده قراري لو متجددش العقد هعتزل” مشيراً: “انا جيت من مستوى كبير جدا والنادي الاهلي تعبت عشان اوصله والموضوع مش فلوس خالص، وجالي عقد في افريقيا وعقدي كان خلصان في الاهلي بس موافقتش كان سنة 2018”.
View this post on Instagram
وليد سليمان عن انتقادات السوشيال ميديا
كما أوضح انه لا يهتم بانتقادات السوشيال ميديا قائلاً: “انا والله مش بركز على كلام الناس ومن زمان جدا مبحبش أخد تقيمي من السوشيال ميديا مع احترامي لكل الناس وجمهوري على رأسي بس مبحبش السوشيال ميديا”.
وأضاف قائلاً: “وحتة اني قاعد على الدكة انا في النادي الأهلي يعني قعدتي في النادي الأهلي حتى لو على الدكة فده شرف ليا ويطلب مني ان اكون في الملعب ديه حاجة كبيرة اوي”.
وليد سليمان: “مينفعش اطلب من الجهاز الفني ان عايز العب”
وتابع قائلاً: “انا لو مش قادر اعطي الكرة حقها انا هرفع ايدي او المسؤولين في النادي بيبقوا عارفين، انا دلوقتي بقعد على الدكة بنزل 10 دقايق ربع ساعة بكون الحمدلله مؤثر لو انا مش كدة، النادي هيجي يقولي شكرا، واللعب ده حاجة من الجهاز الفني ومينفعش لاعب يروح يطلب من الجهاز الفني ويقوله انا عايز العب”.