أشادت الفنانة وفاء عامر، بأخلاق الفنانة ياسمين صبري، مؤكدة على أنها ملتزمة في مواعيدها لذا تحب العمل معها، وجاء ذلك خلال فاطمة مصطفى عبر محطة راديو ٩٠٩٠.
وقال وفاء عامر: “بحب كواليس العمل معاها، وبحب أدبها، وهي بتحترم اللي اكبر منها ومبتخليش حد يستناها، بنت لطيفة جدا ومبتدخلش في اللي ملهاش فيه، انا لازم اقول كلمة حق، حتى لو مشتغلتش معاها في الشادر، انا مش محتاجة اتكلم عن حد كويس عشان اشتغل، فالبنت كويسة اوي”.
وأضافت: “هي متحمسة اوي للدور، وانا بدعمها انها تاخد الخطوة ديه، لكن مش شرط اني اكون موجودة في المسلسل، احنا اتفقنا لو الدور مش هيكون اد امكانياتي واد طموحي ممكن اعتذر لكن هفضل بردو مدعمة ليها”.
وأردفت: “جايز نكون بنحب النجم زيادة فبنكون عاوزين نعرف كل حاجة عنه، بس مش لازم بقى نطلع شائعات ونقول خدت كام مليار لما اطلقت، الكلام ده كلام فاضي”.
وتابعت: “فيه قنوات على يوتيوب ممكن تضر العالم العربي بالكامل بيقولو اشاعات فظيعة عن الفنانين”.
وفاء عامر تشارك في مسلسل “الشادر”
وكانت قد تعاقدت الفنانة وفاء عامر على مشاركة ياسمين صبري مسلسل «الشادر»، الذي يتولى إخراجه المخرج سامح عبد العزيز، ويشارك فيه عددًا من نجوم الفن.
ويعد مسلسل الشادر أول أعمال ياسمين صبري بعد انفصالها عن رجل الاعمال أحمد ابو هشيمة، وجاري البحث من الشركة المنتجة على باقي الشخصيات المناسبة للمشاركة في الاحداث وذلك لتبدأ مرحلة التصوير خلال الفترة المقبلة.