أثارت الفنانة وفاء عامر جدلاً كبيرًا برد فعلها الصادم عندما تم سؤالها حول موقفها إذا قرر زوجها الزواج عليها، حيث أكدت أنها لن تمانع في ذلك.
وفي تصريحات تلفزيونية، قالت وفاء عامر: “لو جوزي قالي عايز أتجوز عليكي، هقوله أه يا حبيبي أمتى، مش حاجة هتبسطه عادي”.
وأضافت عامر: “جوزي مش هيعمل كده، لكن احنا متفقين إن الممنوع مرغوب ليه أقول لأ، أنا بغير عليه ومفيش حد يقدر ينافسني، لو جالك قالك عاوز أتجوز هو واخد القرار يبقى بيدي لا بيد عمرو، هقول لأ هيتجوز برضو يبقى خليه خايف منك”.
وتابعت: “أنا بغسل لجوزي رجليه ومن غير ما يطلب.. أول ما بشوفه تعبان بجري اعمل كدا”.
وفي ختام حديثها، وجهت وفاء عامر نصيحة للسيدات، حيث قالت: “الزوجة تعمل أي حاجة مع زوجها، وبتوع حقوق المرأة عاوزين يخربوا البيوت لو طالبوا الزوجة متخدمش زوجها ولا تسعد زوجها ولا تحافظ على استقرار بيتها وأسرتها.. بتوع حقوق المرأة في حاجات كتير زي الحفاظ على كرامة الست ومحدش يجرحها بكلمة ولا حد ياكل حقها ويبقوا واقفين في ضهرها وكل الأديان السماوية تحث المرأة على طاعة زوجها في حدود الأخلاق والمعاملة الطيبة، بعيدًا عن الندية والخلافات والجدال”.