هاجم الدكتور أشرف صبري والد الفنانة ياسمين صبري نجلته، بعد أن أساءت له في أحد اللقاءات، وأشارت إلى أنها لا تعرفه.
والد ياسمين صبري يهاجم نجلته: قدرت تطعن أبوها في ضهره.. واتجوزت من ورايا
وشارك أشرف صبري صورة له من خطوبة قديمة لأبنته وعلق قائلاً:” بعد ما سمعت اكاذيب بنتي اللي ربيتها في بيتي وكانت صاحبة البيت وعندها شغالة وقدرت تطعن ابوها في ضهره؟، واصدقاءنا كانوا بييجو البيت بيشوفوها ولما كبرت جيبتلها عربية ياريت الناس اللي يعرفونا وجم بيتنا يردوا ويقولوا ياسمين كانت عايشة في بيتي ازاي في كل مراحلها وازاي اتخطبت وعملتلها اجمل حفلة ودي صورها”.
وواصل:”الكدب ده بيبرر بالنسبة لها سبب عدم حضورها فرح اخوها ولو اب اهتم بفرح ابنه وزعلان ان اخواته ماجوش مش حيهتم ببنته؟، وانا عملت لها حياة كريمة راقية ومحترمة وماكنتش فاكر إن الرد حيكون كده والسر اللي الناس ما تعرفوش أنها اتطلقت من الراجل المحترم الدكتور ده بسبب أمها لأنه حكالي وقالي أمها خربت بيتنا، واتجوزت من ورايا وبدون علمي بعد التربية اللي عملتهالها وعشان كده انا مش معترف بجوازها اللي من ورا ضهري ده، وحسبي الله ونعم الوكيل”.
من جانبه أوضحت الفنانة ياسمين صبري علاقتها بـ والدها، وذلك خلال حوارها ببرنامج أنس بوخش الذي عرض عبر موقع مشاركة الفيديوهات “يوتيوب”.
ياسمين صبري: مفيش علاقة تجمعني بوالدي .. والانفصال اختيار
وقالت خلال اللقاء: “مفيش علاقة بوالدي ولا مش بسبب الانفصال كل يوم الواحد بيبقاله اختار وناس بتختار تكمل الطريق وتتحمل المسئولية وفيه ناس بتختار نفسها أو أيًا كان، وهو مش عشان الانفصال والانفصال مش معناه العيلة تتفكك بالعكس ده بيبقى اختيار”.
وأوضحت انها كانت تعيش مع أجدادها قائلة : “جدتي وجدي اللي تبع مامتي هما اللي ربوني من طرف مامتي وجدتي ست شديدة، ومامتي كانت بطلة سباحة وخلوني أتدرب وألعب سباحة من وأنا عندي 4 سنين”.