حددت الإعلامية ياسمين عز ثلاثة قواعد للتعامل مع الزوج في المطعم، ونصحت متابعات برنامجها “كلام الناس” عبر قناة MBC مصر بالحرص عليها
وقالت ياسمين عز خلال تقديمها حلقة اليوم من البرنامج: “لو قاعدين في مطعم وجوزك واخدك يأكلك ويشربك، مينفعش وهو قاعد جنبك تنسحبي من لسانك وتتجردي من شعورك وتتكلمي قبله مع الجرسون. لو حابة تطلبي حاجة وجهي كلامك لجوزك وقولي حبيبي فرعوني ممكن تتطلبلي مثلا نص بطة بالبرتقال ومعاها عصير برتقال”.
وحذرت ياسمين عز الزوجات من امتداح كل ما يحمل صفة المذكر أمام الزوج، بما في ذلك عصير البرتقال، مضيفة: “لازم تبصي لجوزك وتقولي العصير حلو بس مش أحلى من جوزي”.
تحدثت ياسمين عز عن التصرف الأمثل في حال اكتشاف الزوج أنه نسي نقوده في المطعم قائلة: “لو جوزك أبو الكرم نسي سهوا محفظته أو فلوسه في البيت، إياكي تطلعي فلوس من شنطتك وتديهاله قدام الناس، دي حاجة مخجلة ومهينة للراجل”.
وتابعت: “علشان تحافظي على كرامة جوزك، تروحي مكان الدفع وتقولي أنا عاملة مفاجأة لجوزي وعازماه، أو تديله الفلوس من تحت المفرش، أو تسيبي شنطتك بشياكة على الكرسي جنبه، وتقولي بعد إذنك أنا رايحة الحمام ممكن تحاسب”.