قدمت الفنانة هيدي كرم رسالة لـ المنتقدين على مواقع التواصل الاجتماعي، موضحة أن الفنانين والمشاهير يتحملون إهانات كثيرة ويعانون من الإرهاب على السوشيال ميديا على حسب قولها.
ونشرت هيدي كرم فيديو عبر حسابها الشخصي على موقع الصور والفيديوهات القصيرة إنستجرام: إحنا اتهرينا والله كمشاهير، بتكلم بصراحة بالنيابة عن مشاهير وخاصة ستات زي، اتهرينا من الشتيمة والتهزيق وقلة القيمة والإرهاب على السوشيال ميديا وإنكم بتحسسونا إننا منسواش.. واتهرينا من إننا نتشتم ونتهان ونتهزق بجد والله حقيقي ده كتير، هو مفيش من الأحمر ده مفيش شوية دم وإحساس.
وتابعت هيدي كرم: اللي بيشتمونا على السوشيال ميديا وإحنا طالعين وإحنا نازلين وإحنا بنحاول نعمل محتوى لذيذ وفيديوهات لذيذة وإحنا بنحاول نعمل طاقة إيجابية لإني بذاكر السوشيال ميديا علشان أشوف إيه اللي نافع لقيت مفيش حاجة نافعة لابسين لابسين ومتهزقين ووحشين ووحشين ومشتومين.
هيدي كرم لـ منتقدي الفنانين على السوشيال ميديا: مش هنعمل زيكو لأن احنا محترمين
وأضافت هيدي كرم: صدقوني الناس اللي بتشتمنا لو شتمناهم نفس الشتيمة هينتحروا تاني يوم، إحنا عندنا جهاز عصبي قوي جدا لإننا مستحلمين ومنحسين ومش بنرد، ولكن صدقوني لو اللي بيشتمونا اتشتموا نفس الشتايم واتهانوا نفس الإهانة والله العظيم هتقطعوا شرايينكم من حجم الاضطهاد والإهانة والمهانة ولكن إحنا مش هنعمل كده لإننا محترمين ومؤدبين وحساسين وبنقدر مشاعر الآخرين اللي هي مش عندكم خالص.
وأردفت هيدي كرم حديثها، قائلًة: كده كتير شوفوا لكم لعبة تانية لإن كرامتنا مش لعبة في إيدكم وبالراحة علينا كل واحد عنده مشاكل ومآسي وناس فقدها وأزمات في شغله وأزمات عائلية واجتماعية وعاطفية وصحية وأرجو ورجاء محبة تخفوا على بعض شوية مفيش بيننا وبينكم طار ونجحنا مش معناه فشلكم وممكن كل الناس تنجح، وأرجوكم بالراحة على أخواتكم الفنانين المبعدين الطيبين الحلوين اللي بيعملوا لكم حاجات حلوة.
لمتابعة أوان مصر عبر يوتيوب اضغط هنا
لمتابعة أوان مصر عبر فيسبوك اضغط هنا