محمد هنيدي/ وجه الفنان الكوميدي نصيحة لطلاب الثانوية العامة بالتحديد الراسبين منهم على سبيل الكوميديا، وقدم لهم أنسب طريقة لكي يعلموا بها والديهم بالمواد الراسبين بها.
وكتب عبر حسابه الرسمي بموقع التواصل الاجتماعي “فيسبوك”دي طريقة لأي بساعدكم بيها لأي حد لسة مقالش لابوه انه شايل مواد في الامتحان ومش عارف يجبهاله ازاي، أنت: بابا انت عارف بيل جيتس؟! بابا: لأ مين.. ده صاحبك؟!”.
وأضاف:”أنت: لا يابا .. ده من أغنى اغنياء العالم ،، وكان عنده واحد صاحبه زميله قفل الامتحان وجاب الدرجة النهائية .. وبيل جيتس نفسه سقط في الامتحان، وصاحبه ده شغال عنده في شركته دلوقتي يابابا بابا: أيوة .. انت عايز ايه يعني؟! أنت: اهو أنا بيل جيتس يابابا
واختتم: “وتمنياتي بالنجاح والتوفيق”.
محمد هنيدي يشوق جمهوره لأول مسلسل قصير من إنتاج ببجي موبايل
وكتب عبر حسابه الرسمي بموقع التواصل الاجتماعي “فيسبوك”:”استعدوا لمفاجأة جديدة مع بعبع الليل .. بعبع الليل راجع عشان يعدل المايل في ببجي موبايل، استنوا ظهوري في مسلسل ببجي موبايل الجديد على قناتهم على يوتيوب، ومفاجأت وانبهارات لسة جاية كتير”.
محمد هنيدي يطرح سبعة أسباب لـ مشاهدة فيلم “الإنس والنمس”: بيطفش المدير
طرح الفنان الكوميدي محمد هنيدي سبعة اسباب تدفع الجمهور لمشاهدة فيلمه الجديد “الإنس والنمس”، وذلك على طريقة اسلوب دعايا جديد لدخول الفيلم، فمنذ أن تم طرحه داخل السينمات وهو يروج له باستمرار.
وكتب عبر حسابه الرسمي بموقع التواصل الاجتماعي “فيسبوك”: سبع اسباب تخليك تشوف فيلم الإنس والنمس
– لو نجحت وجبت مجموع فتكون فرصة تحتفل
– لو سقطت او مجبتش مجموع فتكون فرصة تخفف عن نفسك
– لو عندك مدير مزهقك او شغل تعبك ففي دراسة بلجيكية حديثة اثبتت ان الفرجة على أفلام هنيدي بتحسن المزاج وبتخليك تفكر احسن ازاي تطفش المدير
– لو جعان ففيه فشار في السينما ممكن يشبعك ومن غير سعرات حرارية تتخنك ولو عايز تتخن اضرب معاه بيبسي .. ولو عايز تخس بس بتحب البيبسي .. عندهم برده بيبسي دايت
– ان الناس بتشكر في الفيلم وفرصة تشوفه في السينما عشان ماتحسش انك غريب ومضطهد في المجتمع
– ان الفيلم صفعة على وجه هوليوود وبوليوود والصين اننا قادمون وهنعمل أفلام تمحو تاريخكم وماضيكم ومستقبلكم وحاضركم والمضارع والمضاف اليه
– ان الفيلم هيديك طاقة روحية هتوصلك لمكنون جوهرك وذاتك اللي بتبحث عنها من أيام ما كنت جنين
– ان الحياة مابتقفش على حد .. فلو سينجل او ماعندكش صحاب .. ممكن تروح تشوفه عادي وتنبسط