حلت الفنانة هند عاكف ضيفة برنامج “نص الكلام”، الذي يتم عرضه عبر شاشة قناة “النهار”، وتحدثت خلال الحلقة عن منعها من دخول مهرجان القاهرة السينمائي، حيث قالت باكية: “ينفع الكلام دا لفنانة مصرية بتشتغل وهي عندها 4 سنين، وأنا كنت بدخل المهرجان دا والدعوة كانت بتكون داخل السيارة، وكان معايا بالفعل دعوة من زميل “.
وتابعت : “قالي أني مقولش لحد أنه بعتلي الدعوة علشان هم ممكن يبعتولي، وكنت نازلة بالدعوة فى البيت، وأنا دمعتي نزلت علشان صعبان عليا تاريخي وتاريخ عائلة عاكف اللي أنا شايلاه طوال عمري ومحافظة عليه”.
وأضافت: “قولت أستحالة هيعملوا معايا موقف زى دا ، لأن ليا تاريخ أيا كان كبير أو صغير، بغض النظر أني بعدت شوية، وأنا بعدت علشان كنت بعمل حاجة لصالح بلدي ولصالح المواطن المصري”.
وأردفت: “سأعاتب الأستاذ حسين فهمي كرئيس مهرجان، ومن المفترض أن يبلغ كرئيس إدارة أنه عندما تحدث مشكلة كيفية حلها، والمهرجان دا بيتي المفروض وهي جاهزة ومحدش يمنعها، أولا: لأن احنا فنانين، ثانيا: لتجنب المشاكل، ودا مهرجان بلدنا، تعالي أتفرجي على العائلات داخل المهرجان، الدعوات لو كانت راحت للفنانين بس كانت كل الناس هتدخل، مع إحترامي الأول الفنان ثم البلوجر”.