كشف الفنان هشام ماجد على عدم ظهوره في البرامج قائلًا: مبطلعش في برامج من نوعية الاستجواب، وأنا قاصد الاختفاء لأني مش محتاج حد يعرف عن حياتي الشخصية حاجة، لأني ببيع للجمهور فن، لكن ملوش دعوة بعيلتي، ودي حاجات شخصية متتفتحش غير لناس قريبة، ومن حق النجم يعمل كده، وفيه نجوم بتحب تعرض حياتها عادي.
وتحدث الفنان هشام ماجد خلال حواره مع الإعلامية أميرة بدر ببرنامج” أسرار” المذاع علي شاشة قناة النهار عن عائلته وبالتحديد والده، قائلًا: والدي كان دكتور وتوفي وأنا عندي 13 سنة ووالدتي مدرسة، وأخواتي شيرين أكبر مني بسنة ومحمود أصغر مني بـ 8 سنين، وبعد وفاة والدي ابتدت الدنيا تقل شوية، لكن والدتي عمرها ما حسستنا أننا ناقصنا حاجة، وفاة والدي أثر في حياتي لأنه كان قريب مني وأنا كنت في سن صغير، وده حصلنا كلنا، من الناحية المادية والنفسية برضو.
وتابع: مش هعيط بعد شوية على فكرة، واللي يعرف والدي كان بيقولي أنه زملكاوي ووسيم وأخف دم في العالم، وكان بياخدني معاه ماتشات كورة وحببني في الزمالك، كان تعبان فترة طويلة وفي يوم بلغونا أنه توفي، وحصلي تروما لأن الموضوع حصل فجأة، ودي نقطة تحول في حياتي لأن شكل حياتنا اتغير، ووالدتي بقى عليها حمل كبير.