حرص الفنان ولاعب الاسكواش هشام عاشور زوج الفنانة نيللي كريم، على الرد على منتقدي تمثيله .
وقال هشام عاشور، وذلك خلال حواره في برنامج et بالعربي: قبل ما نتجوز نيللي قالتلي خلي بالك أنت ممثل تقيل بس فكرة إننا مع بعض هتحط عليك ضغط كبير، لأن الناس هتقارنك بيا وإحنا عارفين القصة دي من الأول، ولكن لما الناس تشوف فيا ممثل بجد وبأثر بطريقة معينة هيبتدوا يفصلوني عن نيللي ويبصولي بطريقة تانية.
وأضاف: لو جيبت حد النهارده حطيته قدام مخرج ومنتج ومؤلف وتقوله ده هيمثل معاك، مهو دول مش هُبل، مفيش حد بيحط الفلوس دي كلها ولا بيغامر معاه نجوم كتير ويحط حد يبوظله اللعبة.
ومن ناحية آخرى، كشف الفنان هشام عاشور عن حقيقة انفصاله عن زوجته الفنانة نيللى كريم، عبر حسابه الشخصي بمواقع التواصل الاجتماعى، وقدم رسالة لمن يقوم بعمل ذلك، حيث قال: «كل يوم استيقظ على خبر انفصالى مع نيللى، ونكون جالسين سويا، فأريد أن أوجه رسالة لمن يقوم بعمل هذه الشائعات، وهى حاول أن تركز بحياتك وتستثمر فى نفسك ووقتك».