تعرض المنتج هاني محروس لوعكة صحية مفاجئة دخل على أثرها أحد المستشفيات الكبرى بالقاهرة .
ونشر هاني صورة له عبر موقع “فيسبوك”، وعلق عليها قائلاً: “أنا تمام وعدت على خير بركة دعواتك ليا يا بابا في السماء ودعائك ليا ياماما اللي دايماً ساترني يا رب أشكرك”.
هاني محروس يهاجم دياب.. التفاصيل الكاملة لـ أزمة المنتج والمطرب
كشف هاني من خلال مداخلة هاتفية مع عمرو أديب، ببرنامج الحكاية المذاع عبر قناة دي ام سي مصر، قائلاً: “عيب لما نحلف كدب ونقسم بالله كذب، الراجل معملش اللي أنت بتتكلم فيه طبعًا، قال إنه وقفه عن التمثيل أو الغناء، كل عقود المحترفين لازم تكمل بطريقة معينة، يعني مينفعش لاعب في نادي يمشي ويسيبه من غير ما يكمل عقوده”.
وتابع قائلاً: “نصر محروس عمل لدياب 27 أغنية فيهم 9 متصورين في 14 سنة، وعمل ألبومين و5 سناجل، وكان في فترة لسه بياخد على الجو والأفراح وهكذا، وعشان نصنع لدياب قاعدة جماهيرية، وكان نصر محروس عامل لدياب مرتب شهري زيي أنا وأخواتي”.
تفاصيل ازمة نصر محروس ودياب
وتابع: “نصر محروس فكر في وقت من الأوقات يدخل السينما وأهل دياب أنه يمثل، إحنا مش عايزين حد يقعد غصب عنه كل الحاجات دي ظهرت لما هو اشتغل وتوقف عن دفع النسبة الخاصة بالشركة، ومن المفترض يكمل نص الشغل اللي متفقين عليه يبقوا اتنين أو تلاتة.. نصر محروس ساب دياب مرة واتنين وتلاتة عشان يصلب طوله في بدايته، إحنا مبنحلبش الناس، ومدفعش جنيه للشركة من 6 سنوات، إحنا مبناكلش حق حد”.