يشارك الفنان هاني سلامة، في السباق الرمضاني المقبل 2022، وذلك من بعد عدة مشاركات في المواسم الرمضانية.
وينافس هاني في السباق من خلال مسلسله “قلب واحد”، ومن المقرر بدء تصوير مشاهد المسلسل خلال الأيام المقبلة، حتى يكون جاهز للعرض.
ويجسد هاني خلال أحداث المسلسل، شخصية بطل أولمبي يتعرض للعديد من المواقف والازمات.
وتضم بطولة المسلسل كوكبة لامعة من نجوم السوط الفني، أبرزهم: محسن محيى الدين وماجد المصرى وميريهان حسين، والعمل من تأليف محمود حجاج، وإخراج حسن البلاسى.
هاني سلامة يروي كيف بدءت قصة حبه لـ زوجته
روى الفنان هاني سلامة لأول مرة كيف بدءت قصة حبه مع زوجته التي كانت صديقته ايام الجامعة وهي خارج الوسط الفني، وابرز مواقفه مع زواجه من هذة الفتاة.
وكشف أثناء حواره مع الإعلامية إسعاد يونش ببرنامج “صاحبة السعادة” الذي يعرض يومي الاثنين والثلاثاء في تمام الساعة 11 مساءً، قائلاً: “كانت معايا في الجامعة وفي نفس الفرقة وعلاقتنا كانت صداقة عادية في الجامعة عادي وكنا جروب كدة مع بعض وعلاقتنا متطورتش خالص في الجامعة ومكنتش عايزة ادخل علاقة رسمية خالص وكنت ديما اقول العشرينات ديه بتاعتي في التلاتينات بقى ادخل حد في حياتي”.
وصرح هاني سلامة عن أبرز المواقف التي حدثت معه ولم يحكيها من قبل قائلاً: “بعد الجامعة كان في مقابلات ومكالمات عادي، وفي موقف حصلي مقولتهوش لحد ومحكتهوش اصلا وقليل اللي يعرفه انا كنت مضطرب عاطفيا ونفسيا وكل حاجة وكان اول مرة اصلي استخارة وصليت واتمنيت ان عايز اتجوز حد ويبعتلي حد صالح عملت الموضوع ده يوم الخميس يوم الحد او الاتنين لاقيت واحدة صاحبتنا بتكلمني وبتقولي ايه يا هاني مش ناوي تتجوز قولتلها ليه عندك عروسة قالتلي اه بيري وانا كنت شايفها انها احسن مني بكتير قولتلها بيري يابنتي مترضاش بيا اصلا وانا عارفها كويس وقولت ياريت بس هي عايزة حد تاني لان انا هطلع عينيها”.
وتابع قائلاً: “وفي نفس الاسبوع لاقيت واحد صاحبنا بيكلمني في نفس الموضوع قولتله انتو متفقين مع بعض ولا ايه وهي مترضاش بيا لانها حد كويس جدا”.