تحدثت الفنانة هالة فاخر عن علاقتها بوالدها الراحل، وذلك خلال حوارها في برنامج «كلمة أخيرة» الذي يقدمه الإعلامية لميس الحديدي، والذي يتم عرضه على شاشة قناة on.
قالت هالة فاخر: «والدي كان صعيدي وماكانش بيخليني أفتح الباب، وجيرانا لما جم يسكنوا قدامنا كان عندهم 7 صبيان فقال لوالدهم عشان نفضل حبايب مع بعض ولادهم وهم خارجين ميبصوش على باب بيتنا حتى وهو مقفول، وعلمني مقولش على حاجة محبهاش لأنه عاقبني مرة لما مرضتش اكل الكوسة وقفل الأوضة عليا طول اليوم من غير اكل ولا مياه».
وأضافت: «كنت مقربة لي جدا ومتأثرة بوفاته لحد دلوقتي وكل ما تحصلي حاجة اقول يابا تعالى الحقني، لما بتفرجله على فيلم بحسه كأنه داخل عليا بس مبقدرش اكمله لأني استغفر الله العظيم مببقاش مصدقة أنه مش موجود.. ولما تقابلني مشكلة بقعد احكيله وافضفضله».
وتابعت هالة: «لما كان يشوف حاجة متعجبوش يسخر منها والشخص المقابل الذي تعرض للموقف يضحك من سخرية والدي منه وأنا إبنته الوحيدة و ماما مكنتش بتحبنا نروح معاه الاستديوهات ونختلط إلا عندما يكون لديه مسرحية أو فنان نفسي اشوفه افضل أزن شوية».
وأردفت: «كنت بشوف في بيتنا فريد شوقي ونادية لطفي وكثير من الفنانين بس كنا بنسلم وندخل الاوضة ».
واختتمت هالة فاخر الحياة من غير راجل ممتعة وجميلة وزي الفل وبنام في سرير لوحدي. كلامها عن الحياة من دون رجل: «الحياة من غير راجل ممتعة وجميلة وزي الفل وبنام في سرير لوحدي ليه أجيب حد ينكد عليا».