كشفت الفنانة نيللي كريم انها لا تحب السوشيال ميديا وشخصيتها في مسلسل ضد الكسر بعيدة تماماً عن شخصيتها في الحقيقة.
وصرحت خلال حوراها مع الإعلامية منى الشاذلي ببرنامج معكم الذي يعرض عبر قناة سي بي سي الفضائية قائلة: “أنا شخصيتي بعيدة تمام عن شخصية البلوجر اللى عملتها في ضد الكسر”.
وروت موقف حدث معها عبر الفيس بوك بسبب انها عملت شبر لبوست قائلة: “يعنى مثلا أنا في مرة لقيت فنان زميل كاتب حاجة إيجابية عن المسلمين والمسيحيين وإنهم يد واحدة، فعجبنى الموضوع وشيرته ومدخلتش لمدة 3 أيام وبعد ما دخلت لقيت ناس كتير شتماني وشاتمة الفنان اللى كاتب، فروحت حذفاه لأن مش هاقدر أدخل في جدال مع الناس، وأنا فعليا بفتح الفيس بوك مرتين أو تلاتة في الشهر”.
وأضافت قائلة:”أنا مش شخصية سلمى اللى ظهرت في ضد الكسر نهائي، وحتى لما المؤلف عمرو الدالى قالى إن مشهد وأنا بفتح اللايف وأقول هاى هاى زى ما الناس شافتها قعدت أقوله أنت متأكد أنا شكلى هايبقى أهبل أوى، فقالى والله هما بيعملوا كدة ومصدقتش غير لما فرجنى وورانى ناس بتعمل كدة فعلا”.
اقرأ أيضاً..
نيللي كريم عن مخرج «ضد الكسر» : «هادي ومتفاهم والشغل معاه بيطمني» (فيديو)