تصدرت المحامية الشهيرة نهاد أبو القمصان عضو المجلس القومي لحقوق الإنسان، التريند بسبب تصريحاتها حول لابد من أن يكون مقابل مادي من الزوج لزوجته بعد رضاعة ابنائهما، إلا أنها أدلت بتصريحات جديدة عن أزمة أحقية المرأة في الحصول على أجر رضاعة من زوجها نظير إرضاع أولادهما.
وقالت نهاد، في فيديو عبر صفحتها الرسمية على موقع التواصل الاجتماعي «فيسبوك»: «هو أنا أخدت من زوجي وحبيبي الدكتور حافظ أبو سعدة أجر رضاعة أولادنا الثلاثة، بأتسأل السؤال ده كتير على سبيل الجد وسبيل الهزار وأنا هعتبره بجد: أنتٍ أخدتي أجر رضاعة على ولادك التلاتة من الدكتور حافظ الله يرحمه؟».
نهاد أبو القمصان: طول الوقت محسسني إنه كله بتاعي وأنا كلي بتاعته
ورد نهاد أبو القمصان: لا طبعا، لأنه كان راجل عظيم وطول الوقت محسسني إنه كله بتاعي وأنا كلي بتاعته، إحنا الاتنين من نفس واحدة ولما اتجوزنا اكتملت النفس دي».
وأضافت: «كل نعمة وفضل أنا فيه حافظ كان وراها، أول مكتب تدربت فيه هوا اللي جابه لي وكان بيديني فلوس، وأول عربية جبتها هوا اللي جابها وعلمني السواقة، كان بيبني بيت وعنده رؤية للمستقبل».
وتابعت نهاد أبو القمصان: «رأيه أن الست القوية هي اللي تسند جوزها وولادها في أي أزمة، معاشه في المحاماة وبعد دكتوراه في القانون ومحامي جنائي ودولي، 2300 جنيه في الشهر، أخدت فيزا المعاش واديتها لابنته الصغيرة مصروفها كل شهر، لو حافظ ماخلاش نهاد قوية كان مين اللي هيحافظ على ولاده من بعده».