قالت المطربة الأردنية نداء شرارة أنها تتلقى العديد من التعليقات السلبية من متابعيها، وهناك من يطالبها بأن تخضع لعملية تجميل بأنفها، مؤكدة أنها لا تفضل هذا الأمر.
وعلقت نداء عن هذا الأمر، حيث كتبت منشورًا عبر حسابها الشخصي بموقع التواصل الاجتماعي «فيس بوك»، قالت فيه: «أنا بشوف وجهي لطيف، الحمد لله، كتير بيعتولي، بس لو تعملي منخارك بتصيري أحلى، أو حتى تعليقات إن أنتِ فنانة لازم تعملي منخارك كتير بتتغيري، وآخر تعليق وصلني منخارك زي البتنجانة.. ضحكت».
وأضافت نداء شرارة: «بعرف منخاري مش أحلى شيء، وفي زوايا لما يصوروني منها بحسها بتنصح وجهي، وبعرف أني مش دائما بعطي عمري، يمكن بعطي أوقات أكتر من عمري، وأكيد وجهي مش أحلى وجه بالعالم، بس أنا وجهي كلو محبة، كلو قبول».
وتابعت: «أنا عمري ما اتطلعت على المراية وما قلت الحمد لله على كل شيء، بحب حالي ومقتنعة أنو هاد نصيبي من الجمال، عمري ما اهتميت بكيف ممكن الناس تشوفني من برا، قد ما بهتم كيف رح يشوفوني من جوا، والناس بيشوفوني حلوة لأني بشوف حالي حلوة، لأنه الطيبة اللي بداخلي مزروعة بملامحي، وأنا راضية بشكلي الحمد لله».
واختتمت نداء شرارة كلامها:« حبوا حالكم كيف ما كنتوا، رب العالمين ما خلق شيء مش حلو.. حبيت أشارككم ما يدور في ذهني».