قالت الفنانة والراقصة نجوى فؤاد إنها لم تعتزل الرقص الشرقي، معلقة: إحنا للأسف مبقاش عندنا رقص شرقي في مصر، واللى بنشوفه عبارة عن عري فقط من الراقصات الروسيات.
وتابعت نجوى فؤاد خلال تصريحات تلفزيونية: السوشيال ميديا شيء يحمل فسادا كبيرا والساحل الشمالي في بعض الأماكن منه بقى كباريه درجة تالتة والروسيات بوظوا المصريات، وربنا قال احتشموا واحنا لينا عادات وتقاليد لازم نلتزم بيها، والرقاصة لو محتشمتش تبقى رخيصة، للأسف كله عريان وملط ومش عارفة ليه دا إحنا مصريين ولينا ديننا وتقاليدنا.
وأضافت: مبقاش فيه رقص شرقي في مصر ولكن فيه روسيات بيرقصوا رقص تدريبي، وبيأدوا اللي اتعلموه ومفيش الروح ولا الشرقية بتاعتنا، والعري زيادة عن اللزوم ولازم يبقى فيه رقابة شوية.
وكانت قد تحدثت نجوى فؤاد عن أخبار اعتزالها الفن، بعد غيابها عن الفن فترة طويلة، أثر إصابتها بالانزلاق الغضروفي، مطالبة جمهورها بالدعاء لها بالشفاء العاجل.
لمتابعة أوان مصر عبر يوتيوب اضغط هنا
لمتاعبة أوان مصر عبر فيسبوك اضغط هنا