كشف ادهم محروس نجل الفنانة الراحلة نادية العراقية لـ اوان مصر عن تفاصيل إقامة العزاء واوضح انه لم يقيم العزاء بسبب مخالطتهم لوالدتهم اثناء اصابتها بفيروس كورونا ويؤكد علي تأجيل العزاء خلال الـ 10 ايام الماضية.
وصرح ادهم لـ اوان مصر عن وقوف الكثير من الفنانين بجانبه وقال : ناس كتير وفنانين كثير كلموني وعايزين يجوا لكن احنا حاليا مسافرين لاسكندرية بسبب اخواتي البنات لم يستوعبو حجم الموقف ومنهارين وانشاء الله خلال 10 ايام هنرج وهعمل عزا عشان كل الناس تيجي
وعبر ادهم عن حزنه فيما سيطرت حالة من الحزن الشديد على عائلة الفنانة وقال : امي ومفيش حاجة بعد الأم دة 3 يوم يعدي علينا واحنا مش قادرين نستوعب انها مش معانا
ومن ناحية أخري كتب نجل نادية العراقية عبر حسابه الشخصي على موقع التواصل الاجتماعى «فيس بوك»: «أنا راضي بحكمتك يارب العالمين وراضي بقضاءك و أنت عارف إني بحبك وعمري مهزعل منك ابدا و بحمدك انك مقويني عشان إخواتي و ابويا وانا قوي دايما بوجودك ياالله» .
وأضاف: «بس أنا مكنتش عارف إن الفراق صعب أوي كده !، أنا مش مصدق كل اللي حصل، ومش عارف اعبر عن إحساسي ولا اللي جوايا !، مش مصدق إن ماما كده خلاص !؟، مش مصدق إني مش هشوفها ولاهسمع صوتها ولا هحس بأيديها علي رأسي تاني».
وتابع: «يارب دي هي كانت مصدر قوتي في الدنيا، دي كانت الطيبة والضحكة والرزق و الفرحة والطبطبة والحنية و الثقافة و الذوق، دي كانت الدنيا يارب !، أنا مش مصدق أن أخر شيله شيلتها لأمي كانت لقبرها ! ».
وطالب أدهم محروس كل أصدقائه ومتابعيه بالدعاء لوالدته: « يارب ارحمها عشان انت عارف ان قلبها ابيض و بتحبك، ارحمها عشان أنت عارف أن عمرها مقصرت مع حد، وعمرها مقصرت معايا بالعكس انا اللي قصرت معاها، بحبك يا ماميتو، هكمل حياتي عشان دي سنه الحياه وعشان وعدتك اني هنجح في حياتي، هتفضلي عايشة في قلبي».
موضوعات متعلقة :
مجدي كامل ينعي نادية العراقية: «ربنا يجعل ماؤاها الجنه»
رانيا محمود ياسين تنعي نادية العراقية : كانت بشوشة
في رعاية الله.. صلاح عبدالله ينعي نادية العراقية