معظم الاختيارات الأيام دي غلط إحنا بنخطئ في إختيار الرجالة الصح ودا اللي بيخلي اللي احنا نشوفه ان الرجالة مش كويسة.
كل ما في الموضوع إن احنا بنختار على أسس غلط فبنختار الرجالة الغلط اللي متعرفش يعني ايه مسؤلية وحب واحترام ، ولكن في جزء كبير جدا من الرجالة الكويسة موجودة لحد النهاردة ، لأن الراجل اللي استحالة العشرة مع مراته هيفضل يصونها لأن عارف أن من المروءة إن مينفعش يهين مراته ويغلط فيها ويقلل منها ويهز ثقتها في نفسها تحت أي ظرف وأي سبب ودي المروءة اللي ملهاش علاقه بالحب .
والحقيقه إن الرجل المحترم يمكن مبيتكلمش كتير وساكت او يمكن ملوش سيط الايام دي لكن الرجل المحترم موجود عشان كده بقول إن الأخلاق رقم واحد ،وهي عنوان اللي ممكن تخلي الدنيا تتصلح تاني ندور على الأخلاق واحنا بنتجوز ،وندور على الأخلاق في الرجالة اللي إحنا بنقترن بيهم وده العامل اللي عمرة ما هيتغير لأن إذا حبك هيعيش معاكي بما يرضي الله ،وإذا كرهك برضو هيعيش معاكي بما يرضي الله لأنه عنده حاجة اسمها المروءة، والمروءة مبتجيش غير من راجل عنده أخلاق.
وللحديث بقية مع الرجالة