عبرت عارضة الازياء “ميريهان كلير” عن إحترامها وتقديرها للمرأة وللست المصرية وأكدت على مكانة سيدات مصر في المجتمع وقيمتها وحقوقها.
ووجهت ميريهان رسالة شكر لكل ست مصرية من خلال «أوان مصر» وقالت: أولاً عايزة أقول ان السنة دي نقلة كبيرة جداً في حياتي للأجمل، من 2019 إنسانة محطمة بتتعرض للتنمر و الشتيمة و الإهانة للنهاردة، آلاف الستات اخواتي و أمهاتي.
آلاف البيوت في مصر مفتوحة ليا بحب، عندي آلاف العائلات عندي سند و ضهر و قلوب بتحبني بتحزن عليا و تغضب عشاني و تفرح عشاني. النهاردة أنا عارفة اني لو وقعت في ملايين الإيدين هتشيلني و مش هتسمح اني أتكسر. ستات مصر بيبعتوا يتطمنوا عليا لو غبت يوم واحد ما نزلتش فيه حاجة. مشتاقة جداً للزيارة الجاية عشان أشوف كل الناس دي و عيلتي الكبيرة أوي
الراقية الحنونة أوي دي. مفيش تاني ميرهان اللي في ركن أوضتها عالأرض بتعيط لوحدها في الضلمة. ربنا يخليكم ليا. كل ست و كل بنت في مصر وثقت فيا و حكيتلي عن أشياء خاصة جداً جداً في حياتها. شرف ما بعده شرف. احنا عرفنا قيمتنا الحقيقية و اتعلمنا حقوقنا و مكانتنا في بلدنا و عمرنا ما هنرجع لورا تاني قولنين بلدنا بتتعدل و بتحمينا و إحنا بنحمي بعض و في ضهر بعض عشان بنحب بعض.
اليوم العالمي للمرأة
نظم مكتب مصر الثقافي في الصين، اليوم الإثنين، احتفالية بالتنسيق مع الجمعية النسائية الصينية الآفروآسيوية؛ وذلك في إطار الاحتفال بيوم المرأة العالمي، الذي يوافق الثامن من مارس.
وقالت الدكتورة أميمة غانم زيدان المستشار الثقافي المصري في الصين- في تصريح خاص لوكالة أنباء الشرق الأوسط في الصين، اليوم الإثنين- إن الاحتفالية، التي تم تنظيمها في مقر المكتب بالعاصمة (بكين)، تهدف إلى إبراز دور ومكانة المرأة المصرية، التي تحظى بدعم ومساندة كاملين من الرئيس عبد الفتاح السيسي، إلى جانب تعريف المجتمع الصيني بتاريخ المرأة المصرية الحافل بالمناضلات والبارزات الكثيرات اللاتي استطعن أن يمثلن نموذجا ملهما، بما يقمن به من أدوار استثنائية في تاريخ بلدهن ومجتمعهن
اقرأ ايضاً: