نشرت الفنانة
ميرهان حسين، صورتين لها أثناء تأدية مناسك العمرة، عبر حسابها الرسمي بموقع التواصل الاجتماعي “إنستجرام”.
وأعربت ميرهان عن استيائها من منتقدي صور النجمات أثناء العمرة، ومن تعليقاتهم السلبية على الصور، حيث كتبت: “مع ان الصورة دي من احب صوري لقلبي .. اترددت انزلها.. أولًا خفت ان دا يأثر على ثواب حاجة بيني وبين رب العالمين ثانيًا عارفة ان في ناس سطحية كتييير هايكتبوا كومنتات كلها ايه يا طاهرة ايه يا ست الشيخة و يعملوا فيها انهم مابيغلطوش ابدا و جايين يحكموا على ناس زيهم احكام هبلة و خلاص، و هما مايعرفوش اللي بينك و بين ربنا ولا عمرهم هايعرفوه”.
وأضافت: “بس قولت لأ مش هامشي ورا الفكر دا و هانزل صورتي اللي بحبها عشان فيها ذكرى وجودي في اطهر بقاع الأرض و انا ضيفة في بيت الله الحرام و بحتفل فيها بنعمة من اكبر النعم هي نعمة إن ليا رب عظيم اسمه الكريم اللي ممكن اطلب منه اي شئ ومفيش حاجة كبيرة عليه إنما أمره إذا اراد شيئا ان يقول له كن فايكون”.
وأردفت ميرهان حسين: “نعمة وجود ربنا فحياتنا اكبر من كل النعم انا حقيقي معرفش ازاي في ناس بتلحد و تنكر وجود ربنا و العياذ بالله وفي منهم اصحاب ليا و ناس بقابلهم و مع حبي ليهم بس بقولهم فايتكو اعظم حاجة في الوجود ان يبقا ليك رب قادر على تحقيق كل اللي يتمناه قلبك و يسرح فيه خيالك رب اكبر من كل كبير هو الأمان في الدنيا دي و كل من عليها فان”.
رسالة ميرهان حسين لفريق عمل “وانسى روحي وياك”
وكانت قد أعلنت الفنانة ميرهان حسين، انتهاء تصوير مشاهد حكاية «وانسى روحي وياك»، إحدى حكايات الموسم الرابع من مسلسل «نصيبي وقسمتك»، الذي يعرض في الوقت الحال على شبكة ON.
ونشرت ميرهان حسين عدة صور من كواليس التصوير، عبر حسابها الرسمي بموقع التواصل الاجتماعي “إنستجرام”.
وكتبت: “فركش تصوير مسلسل نصيبي و قسمتك حكاية و انسى روحي وياك .. الحمد لله اللي قدرنا على التصوير في ظروف مناخية صعبة جدًا و برد واصل لدرجة الصقيع و مطر و أنا لابسة صيفي و عدد ساعات تصوير طويلة جدًا بس برضو كان من أجمل أوقات الشغل مع ناس محترمة و جميلة عايزة اشكرهم فردًا فردًا”.
ووجهت الشكر إلى جميع طاقم العمل، قائلة: “شكرا أستاذ احمد عبد العاطي المنتج المحترم على ثقتك فيا و اختياري لبطولة حكاية وانسى روحي وياك و يارب اكون أد ثقتك فيا و شكرًا استاذ عمرو محمود ياسين على شخصية قمر و رؤيتك ليا بشكل مختلف عن الشكل النمطي و الأدوار المكررة اللي بيختاروني لتقديمها وشكرًا على كتابتك الرائعة الممتعة”.