ابدى احد اعضاء نادي الشمس استياءه الشديد من تراجع وعدم النظافة في النادي، مؤكدًا أن مياه حمام السباحة بها بول.
وقال في بوست له عبر صفحته «مية حمام السباحة كلها بول.. عيوني وجعتني وجالها التهاب»
وينشر أوان مصر شكوى عضو نادي الشمس كما اعلنها العضو ويتيح الموقع حق الرد من الجهة المسؤولة .
«السلام عليكم
انا بقالي اربع ساعات مش عارف ابص في التليفون عشان اكتب الطلب البسيط ده عشان الالتهابات الي أصابت عيني من البسين النهاردة بسبب نسبة البول اللي في البسين ( و من غير لينكات كتير ممكن اي حد يعمل search هيعرف سبب التهاب العين في البسين هو تفاعل الكلور مع اليوريا مش الكلور بس ) و عليه ارجو من القائمين على كافة البسينات في النادي إضافة مادة كشف التبول لمنع اي كائن تسول ليه نفسه أنه يعمل التصرف ده و يتفضح على أعين الأشهاد ..و بصراحة القائمين على البسين من عمال و امن و إدارة على قدر من التنبه و الكفاءة و ميفوتهمش حاجة زي كده و اولى بنادينا المتحضر أنه يطبق هذا النظام لانه يليق به الافضل دائما …شكرا لحضراتكم و اسف الإطالة »