كشفت الفنانة ميار الببلاوي، عن أزمتها مع المخرجة إيناس الدغيدي، مؤكدة أنها دعت عليها بالحرم المكي؛ بسبب مشاهدها في فيلم ديسكو ديسكو.
وتحدثت ميار الببلاوي، في لقائها مع الإعلامية بسمة وهبة، في برنامج العرافة، المذاع عبر شاشة قناة النهار، المحور : دعيت على إيناس الدغيدي في الحرم بسبب فيلم ديكسو، أنا مكنتش عايزة أعمل المشاهد دي كلها في فيلم ديسكو، وأنا مكنتش عايزه ألبس مايوه وأنا اتحجبت ومكنتش عايزة حاجة زي كده تتعرض، وأنا متربية في بيت متدين وكنا بنصور في رمضان وكنت صايمة.
وأضافت: جيت أصور المشهد الجريء ده قولتلهم نصور بعد الفطار، قالولي لأ، وكنا بنصور في رمضان وأنا الوحيدة اللي صايمة في الشباب، لأن مكنش ينفع يصوموا كل المشاهد بيشربوا، ودي كانت رؤية الإخراج.
وتابعت: دخلت الحمام وقفلت عليا وعمالة أعيط جت أستاذة نجلاء فتحي حبيبتي اقنعتني، وقالتلي رمضان إحنا مبناكلش فيه عشان نبقي زي الفقراء، والموضوع مش مستاهل كل اللي عملتيه ده، وعملت المشهد بعد الفطار.
فيلم ديسكو ديسكو
والجدير بالذكر قدمت ميار الببلاوي فيلم ديسكو ديسكو، عام 1993، والعمل كان من بطولة الفنانة نجلاء فتحي، الفنان محمود حميدة، الفنان صلاح ذو الفقار، الفنان شريف منير، الفنان عبد الله محمود، الفنان عمرو عبد الجليل، والعمل من الإخراج إيناس الدغيدي.