أوضح المخرج مجدي الهواري، كم الآسى الذي يعيشه، بعد وفاة شقيقه، وجاء ذلك من خلال حسابه الرسمي بموقع التواصل الاجتماعي “إنستجرام”.
وكتب: “مفيش كلام يعبر عن الحالة دلوقتي! حد يخترع حروف جنب بعضها تقول كلمة توصف الاحساس ده ! حالة حزن وآلم ديه !!!”.
«موجوع».. مجدي الهواري يبوح بـ آلامه بعد وفاة شقيقه
وأردف: “عارف ! لما تبقي عايز تقول اااااه من وجع فيه وجع !! مش زي اياه ! اللي عارفينه كلنا لا ! مش وجع من حاجة وجعاك ! بردو لا !
وجع من حاجة ملهاش ماسكة كده .. علشان تدوس عليه فاتوجعك حتي اكتر .. فاتمسكها وتحسسك انك حتي عرفت مكنها فين !! فتفصح عنه وعنها
.. فيقولك دكتورك علاجها ايه مثلًا اي برشامة ولا حقنة واضرب منها شريط حتي !”.
واستطرد: “طب وحتي لو ملهاش علاج. عادي .. بس اهو عادي ! يمكن لما تقول لحد مكانها وتخرج اللي جواك يمكن تخفف الوجع عنك شوية !!
طب مانا بخرج اهو !! ولا ايه حاجة !! ماله الحزن والألم العادي بس ! ماحنا ياما حزنا وتأثرنا ! مكنش يبقي هو وخلاص !”.
وأضاف: “طب نقول ياريت يبقي من الوجع العادي !؟ ولا ايه حاجة ! بس الحقيقة الحزن علي الاخ بيجب معاه وجع غريب مشروط كده بالطول في الواحد ومتساب في الهوا وهو عريان كمان .. كل ماالهوا يفتكروه .او يشوف صورته .او يسمع صوته .او يفتكر ضحكته وطيبته .. يرجع تاني يقول اااااه من الوجع . ولما حد يسألك ايه !! فين بيوجعك ! تقوله معرفش !! طب اوصف الوجع !”.
واختتم مجدي الهواري: “تقوله معرفش ! طب ايه اللي بيوجعك ! تقوله فراق اخويا وبس ربنا مايعديه علي حد النوع ده من الوجع دعوة من حد موجوع هنا”.