استطاع الفنان المصري مهند حسني ان يترك بصمه لجمهوره في جميع أعماله الفنية على الصعيد الدرامي ، “مهند حسني” فنان مصري موهوب ، عشق لعبة ” الكاراتيه ” وهي اللعبه التي زُرِعَ حبه لها من والده المدير الفني السابق لمنتخب مصر و منخب السعوديه للعبة الكاراتيه.
لقاء الفنان مهند حسني مع أوان مصر
التحق بكلية الاعلام و فنون الاتصال – قسم الاذاعه و التلفزيون و تخرج منها ، و بعدها سلك مهند الطريق الفني حيث والتحق بالمعهد العالي للفنون المسرحية و تخرج منه.
بدأ مشواره الفني بمشاركته في مسلسل ” الاب الروحي ” بشخصية ” عمار ” و التي فاجئ جمهوره بها من حيث الابداع ، و موهبته الكبيره في تجسيد الشخصيه ، حتى نال اعجاب الكثير من الناس.
شارك في السباق الرمضاني لعام ٢٠١٧ في مسلسل ” كلبش ” بشخصية ” شادي حماد ” ، و في نفس الموسم شارك ايضا في مسلسل ” ظل الرئيس ” بشخصية ” هشام ” و ابدع في كلاهما و نال اعجاب الكثير ، و بعدها شارك في مسلسل ” الاب الروحي ٢”، وسنة 2018 شارك في مسلسل ” قيد عائلي ” بشخصية ” احمد كمال الخولي ” ، وشارك في مسلسل ” علامة استفهام ” بشخصية ” عشماوي ” و بعدها شارك في مسلسل ” حكايات بنات ” بشخصية ” مالك “.
واختتم سلسلته الدراميه حتى الان بمسلسل ” الطاووس ” و الذي حقق نجاح كبير لدى الجمهور و كانت مشاهده في المسلسل تريند السوشيال ميديا طوال عرضه في رمضان بشخصية ” حماد ” .
ماذا أضاف لك مسلسل الطاووس خلال مسيرتك الفنية؟
مسلسل الطاووس أضافلي كتير جدا وتشرفت بالعمل مع كوكبة من النجوم وخاصة مع الأستاذ رؤوف عبدالعزيز و هو من المخرجين الكبار و المهمين في مصر وأتمنى أشتغل معاه وأكرر التجربة معاه تاني و من غير تردد ، والأستاذ محمد ناير المشرف على الكتابة والأستاذ كريم الدليل مؤلف العمل و الاستاذ جمال سليمان والاستاذه الجميله سميحه ايوب و الفنانه الرائعه سهر الصايغ بالإضافة الى الثلاث شباب الموهوبين الفنان عابد عناني و احمد امام و حليم .
كنت متوقع النجاح الكبير للمسلسل؟
بص انا عامة مبشتغلش عن طريق التوقعات ، ولكن بقدر الإمكان بحاول أركز في شغلي بحيث اطلع أحسن حاجة و ده بيبقى هدفي ، اما النجاح وعدم النجاح ده حاجة في ايد ربنا سبحانه وتعالى ، لو ركزت ان المسلسل هينجح او لا ساعتها فعلا ممكن مينجحش ، و هبقى متوتر طول الوقت بسبب التفكير في كده ، فـ بالتالي مبفكرش في كده نهائيا ، و بعمل اللي عليا و الباقي على ربنا .
واضاف مهند حسني : و مش أنا لوحدي بس ، بالعكس كل طاقم العمل بيعمل كده وكلهم كانوا مركزين في انهم يطلعوا و يوصلوا احسن حاجه عندهم للجمهور ، و يذاكروا كويس و يركزوا في كده و سايبين الباقي على ربنا .
في مشهد من اهم المشاهد في الموسم الدرامي الرمضاني ٢٠٢١ لشخصية ” حماد ” و هو مشهد حلاقة الشعر والبكاء و انت مسجون ! .
كيف حضرت هذة الحالة واستطاعت ان تأثر في الجمهور؟؟
بص هو في حاجة مهمة جدا حصلت في المسلسل ده ، كل حاجة كنا مجهزين ليها قبل التصوير وكنا عاملين كمية بروفات قبل التصوير و قبل ما نبدأ نصور اول مشهد حتى ، استاذ رؤوف كان مدربنا كويس اوي قبل ما نبدأ كلنا ، و كنا مذاكرين كويس شخصية كل واحد فينا ، ونعملها إزاي ، كلنا كنا داخلين كممثلين على الشخصية مدربين عالشخصيه و ايه التاريخ اللي مرت بيه الشخصيه و ايه ثوابتها وصفتها ، وخاصة المخرج الأستاذ رؤوف عبدالعزيز كان بيهتم بأدق التفاصيل في كل شخصية و ده كانت أول حاجة في التحضيرات بشكل عام .
مشهد البكاء
وأوضح مهند تفاصيل مشهد البكاء وانه ليس حزين على ان يحلق شعره بل كان حزنه بسبب أنه عاش حية “حماد” في الشخصية من ذكريات وماضي وحاول بقدر الإمكان أن يجسد الشخصية بكل تفصايلها الصغيرة والكيبرة، قائلاً: ” كده كده في حاجه اسمها تاريخ الشخصيه بنذاكرها كويس اوي ، بحيث ان ابدأ مع الشخصية من طفولتها لحد ما تكبر و لحد ما تبقى لحم ودم”.
واردف قائلاً: ” حماد مكنش زعلان على شعره لا ، كان زعلان و مقهور على حياته اللي عماله تنهار وهو السبب فيها ، فطبيعي لازم انهار بالشكل ده بعد ما كنت من أشهر مصممي الأزياء ومعايا فلوس و كل ده بسبب خطأ ارتكبته انهارت حياتي كلها و اتهدت كل حاجه ، وفي الأخر لا املك أي شيء و حياتي بتنتهي قدام عينيا ، كانت كل شعرايه بتقع مني بمثابة حاجه بنيتها في حياتي و بتدمر و بتنهار و انا السبب فيها”.
مشهد حلاقة الشعر للفنان مهند حسني
هل يوجد علاقه بين المسلسل و احداث قضية الفيرمونت؟
اعتقد انك اتفرجت على المسلسل و كلكوا اتفرجتوا عليه و كل الناس شافت انه لا يمس لأي قضيه لا من بعيد و لا من قريب و اعتقد الكل يبصم على كده .
أقرب شخصية لمهند حسني في الادوار اللي جسدها على مدار تاريخه ؟ او الشخصيه اللي فيها حاجات من مهند ؟
كلهم أقرب لقلبي هل ينفع تفضل أخواتك عن بعض ، كلهم بحبهم ومفيش شخصية شبهي نهائي .
من الممكن نشوف الفنان مهند حسني في مشروع غنائي ؟
انا صوتي وحش ، و قال مازحاً : والله صوتي وحش اوي كمان فبلاش احسن ليكوا انتوا .
اقرأ أيضا